fbpx
Shadow Shadow

مەزڵوم کۆبانێ: هەموو خاڵەکانی ڕێککەوتنەکەی سوتچی قبوڵ ناکەین چونکە دژی گەلەکەمانە

22:04 پێنج شه‌ممه‌ 24 تشرینی یه‌كه‌م 2019
article image

ناس کورد-

 

لە نوێترین لێدوانیدا مەزڵوم کۆبانێ، فەرماندەی گشتیی هەسەدە ڕایگەیاند، گومانیان لە ڕێککەوتنەکەی سوتچیی نێوان ڕوسیا و سوریا هەیە  و لەو بڕوایەدان خزمەت بە خەڵکی هەرێمەکەیان ناکات، ئاماژەی بەوەشکرد، هیچ ڕێککەوتنێکیان لەگەڵ تورکیادا نییە.

.

مەزڵوم کۆبانێ، فەرماندەی گشتیی هێزەکانى سوریاى دیموکرات (هەسەدە)، لە شاری حەسەکە ڕۆژئاوای کوردستان کۆنگرەیەکی ڕۆژنامەوانی لەبارەی پرسی ئاگربەست و ڕێککەوتنەکەی ڕوسیا و سوریا ئەنجامدا.

.

لە کۆنگرە ڕۆژنامەوانییەکەدا ،کۆبانێ ڕایگەیاند: ” تا ئێستا هیچ ڕێککەوتنێکمان لەگەڵ تورکیا نییە و تەنها ئاگربەست هەیە، سەرەڕای ئاگربەستیش بەڵام تورکیا لە هێرشەکانی بەردەوامە و ئاگربەست پێشێل دەکات، بۆیە پێویستە وڵاتانی گەرەنتیکاری تایبەت بە ئاگربەست بەرپرسیارییەتی خۆیان لەبەرامبەر ئەو پێشێلکاری و هێرشانە جێبەجێ بکەن”.

.

فەرماندەی گشتیی هەسەدە، دەربارەی ئۆپراسیۆنی هاوبەشی هەسەدە و سوپای سوریا ئاماژەی بەوەکرد، ئۆپراسیۆنی هاوبەش لە کۆبانێ و منبج ئەنجامدراوەو ئەمڕۆش لە درباسییە سوڕاونەتەوە.

.

مەزڵوم کۆبانێ، دەربارەی ڕێککەوتنی نێوان ڕووسیا و تورکیا لە سوتچی، ئەوەی خستەڕوو: ” ئێمە سەرجەم خاڵەکانی ئەو ڕێککەوتنە قبوڵ ناکەین، هەندێک خاڵ هەن کە گومانمان لەسەری هەیە، چونکە لەدژی خەڵکی ئێمەیە”.

.

هاوکات فەرماندەی گشتیی هەسەدە لەبارەی پارتە کوردستانییەکانی رۆژئاوا، باسی لەوەکرد: “ئێمە دەزانین تاوەکو ئێستا یەکگرتووییەک نییە، پێویستە لەم دۆخەدا هەموو هێزەکانی رۆژئاوای کوردستان ببنە یەک، چ ئەنەکەسە، چ تەڤدەم و لایەنەکانی دیکە،  راستە ئێستا رۆژئاوا لە دۆخێکی سەختە، بەڵام دەتوانم بڵێم لەهەموو کاتێکی دیکە ئێمە نزیکین لە چارەسەر”.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل