fbpx
Shadow Shadow

"یەکێتی و پارتی پڕۆژەکە نابەنە پەرلەمان"

مەترسی “لەباربردن”ى پڕۆژەیاسای چاکسازی هەیە

22:12 دوو شه‌ممه‌ 28 تشرینی یه‌كه‌م 2019
article image

ناس کورد-

پەرلەمانتارێکى هەرێم هۆشداری دەدات لە “لەناوچون”ی پڕۆژەیاسای چاکسازی حکومەتی هەرێم.

,

ڕۆژی 30ی تەموزی 2019، ئەنجومەنی وەزیرانی هەرێم بڕیاریدا پاش پێداچونەوە بە پڕۆژەیاسای چاکسازی مووچە و خانەنشینیدا، پڕۆژەکە ڕەوانەی پەرلەمانی کوردستان بکرێتەوە، بەڵام تا ئێستا کە نزیکەی 90 ڕۆژ بەسەر ئەو بڕیارەدا تێپەڕیوە نەبراوەتە پەرلەمان و تەنانەت نازاندرێت قۆناغەکانی چاکسازی لە پڕۆژەکە بەکوێ گەیشتون.

,

 

ئەبوبەکر هەڵەدنی، ئەندامی فراکسیۆنی یەکگرتوو لە پەرلەمانی کوردستان بە ناس کوردی ڕاگەیاند: “من بەگومانم کە پڕۆژەیاسای چاکسازی مووچە و خانەنشینی بهێندرێتەوە پەرلەمان، وا چاوەڕوان دەکەم کە بەو شێوەیەی پێشتر نەیەتە پەرلەمان و چەندین دەستکاری بکرێت لە بەرژەوەندی یەکێتی و پارتی”.

,

هەڵەدنی ئاماژەی بەوەشکرد: “یەکێتی و پارتی خۆیان زۆرترین خانەنشینی ناڕاستەقینە و بندیوار و مووچەخۆری نایاساییان هەیە، بۆیە لە ئەگەری پەسەندکردنی پڕۆژەی چاکسازی مووچە و خانەنشینی وەکو خۆی ئەوە زۆرترین زەرەر بەر یەکێتی و پارتی دەکەوێت و لە بەرژەوەندییەکانیان دەدرێت، کە دەیان هەزار کەس دەگرێتەوە، بۆیە ئەو دوو حیزبە زۆترین هەوڵ دەدەن کە ئەو پڕۆژەیە وەکو خۆی نەیەتە پەرلەمان، گومان دەکەم ئەو ئیرادەیان هەبێت بۆ تێپەڕاندنی ئەو پڕۆژە چاکسازییە”.

,

پڕۆژەیاساى چاکسازى بڕینی مووچەی ئەو کەسانە دەگرێتەوە کە “بندیوارن” یاخود دوو مووچە وەردەگرن، یاخود وەزیر نەبوون و بە پلەی وەزیر خانەنشین کراون، یان بە هەر پلەیەک کە تێیدا نەبوون خانەشین کراون.

 

“ئەو وادەیەی حکومەت دیاریکردبو بۆ تێپەڕاندنی پڕۆژەى چاکسازی مووچە و خانەنشینی کۆتایی هاتوە، حکومەت ڕایگەیاندبو ‘لەکارە لەپێشینەییەکانی هێنانی پڕۆژەکە دەبێت بۆ پەرلەمان لە مانگی ئەیلول یان مانگی تشرینی یەکەم’، بەڵام تا ئێستا نەهێندراوەتە پەرلەمان، چونکە ئەو پڕۆژەیە بەبیانوی جیا جیا، دەستی دەستی پێدەکرێت”، ئەبوبەکر هەڵەدنى واى وت.

 

باسیلەوەشکرد: “ئەگەر بێتو ئەو پڕۆژەیە وەکو خۆی ببرێتە پەرلەمان ئەوا هەموو ئەو کەسانەی کە مووچەی نایاسایی وەردەگرن بە ناوی پێشمەرگە، خانەنشینی، شەهید و زیندانی سیاسی مووچەکانیان دەبڕدرێت، بەوەش زیاتر لە 100 ملیار دینار دەگەڕێتەوە بۆ حکومەت، گەورەترین زەرەریش لە بەرژەوەندییەکانی یەکێتی و پارتی دەدرێت”.

 

لە ئەگەرى دواخستنى زیاترى پرۆژەیاساکە و نەبردنى بۆ پەرلەمان، ئەو پەرلەمانتارە ڕایگەیاند هەڵوێستیان دەبێت.

مەترسی "لەباربردن"ى پڕۆژەیاسای چاکسازی هەیە

,

لەلایەکى دیکەوە، ڕۆمیۆ هەکاری ئەندامی پەرلەمانی کوردستان کە ئەندامی لیژنە هاوبەشەکەی پەرلەمان و حکومەتیشە بۆ چاودێریکردن و ئامادەکردنی پڕۆژەیاساى چاکسازی بە ناس کوردى وت: “ئێمەش تا ئێستا نازانین کەی ئەو پڕۆژەیە دەهێندرێتە پەرلەمان، وەکو ئەندامی لیژنە ئێمەش چاوەڕێین، هیچ شتێکی نوێ نییە و چاوەڕێی کۆبوونەوە دەکەین”.

,

 

هەکاری ئاماژەی بەوەشکرد: “بڕیاربو هەفتەی ڕابردوو کۆبوونەوەی لیژنە تایبەتەکەی حکومەت بکرێت بۆ ناردنی پڕۆژەکە، بەڵام کۆبوونەوەکە نەکراوە و دواخراوە، هێشتا نازاندرێت کەی کۆبوونەوەکە ئەنجامدەدرێت”.

مەترسی "لەباربردن"ى پڕۆژەیاسای چاکسازی هەیە

,

 

سەرچاوەیەک لە ئەنجومەنی وەزیرانى هەرێم تایبەت بە ناس کوردی ڕاگەیاند: “تا ئێستا دوو کۆبوونەوە لەنێوان پەرلەمان و حکومەت کراوە بۆ ئەو بابەتە، بڕیاریشە کۆبوونەوەی سێهەم بەڕێوەبچێت، هەندیک گفتوگۆ کراوە لەسەر پڕۆژەیاساى چاکسازى و چەند بژاردەیەکیش خراوەتەڕو، بەڵام بڕیار لە هیچیان نەدراوە”.

,

لەبارەى ئەوەى ئایا پرۆژەکە دەبەنە پەرلەمان یان نا؟، سەرچاوەکە وتى: “هیچ گومانێک نییە لەوەی کە پڕۆژەکە نەبرێتە پەرلەمان، بەڵکو لەماوەیەکی نزیکدا دەبرێت و مووچەی پلە باڵاکانیش کەمدەکرێتەوە، تەنانەت یەکێکیش لە بژاردەکان ئەوەیە کە مووچەی پلە باڵاکان هاوشێوەى یاسای خانەنشینی پلە تایبەتەکانی عێراقی لێبکرێت، بەڵام هەندیک لە بڕگەکانی هەموار بکرێنەوە”.

,

 

وتیشی، ئەو بۆچونانە ڕاست نین کە گوایە 100 دینار بەهۆى ئەو پرۆژەیەوە دەگەڕێتەوە بۆ حکومەت، تا پرۆژەکە نەبێت بە یاسا و جێبەجێ نەکرێت نازاندرێت سوجى چی دەبێت.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل