fbpx
Shadow Shadow

میدیاکان: هاوڕێیەکی قاسم سولەیمانی شوێنى عەبدولوەهاب ساعدى دەگرێتەوە

09:49 سێ شه‌ممه‌ 01 تشرینی یه‌كه‌م 2019
article image

ناس کورد-

 

بەگوێرەی میدیا جیهانی و ناوچەییەکان، کەسایەتییەکی سەربازی نزیک لە ئێران پاڵێوراوە بۆ جێگرتنەوەی عەبدولوەهاب ساعدى، جێگرى فه‌رمانده‌ى ده‌زگاى دژه‌ تیرۆرى عێراق.

.

میدیا عێراقی و جیهانییەکان بڵاویانکردەوە، پاڵێوراوی ژمارە یەک بۆ وەرگرتنی پۆستی جێگری فەرماندەی دەزگای دژە تیرۆری عێراق، حەیدەر یوسف عەبدوڵایە، کە پێشتر فەرماندەی تیپی پێنجی هێزەکانی بەدر بووە و  دواتر گوازراوەتەوە بۆ وەزارەتی ناوخۆ.

.

میدیاکان باس لەوە دەکەن، حەیدەر یوسف بە خۆشویستنی ئێران و هاوڕێیەکی نزیکی قاسم سولەیمانی، فەرماندەی سوپای قودسی ئێران ناسراوە.

.

هاوکات بەگوێرەی نووسراوێکی فەرماندەی پۆلیسی فیدڕاڵی عێراق کە ئاڕاستەی وەزیری ناوخۆ  کراوە بۆ گۆڕانکاریکردن لە پۆستی هەندێک کەسایەتی سەربازی، کە یەکێک لە ناوەکان حەیدەر یوسفە و ئەوەش زیاتر ئەو هەواڵانە پشتڕاستدەکاتەوە بۆ پێدانی پۆستی جێگری فەرماندەی دەزگای دژەتیرۆر بە ناوبراو.

میدیاکان: هاوڕێیەکی قاسم سولەیمانی شوێنى عەبدولوەهاب ساعدى دەگرێتەوە

.

حەیدەر یوسف، بە ئەبو زڕغام ناسراوە و ئێستا فەرماندەی تیپی پێنجە لە پۆلیسی فیدڕاڵی.

.

عەبدولوەهاب ساعدى یەکێک لە دیارترین فەرماندەکانى دەزگاى دژە تیرۆرى عێراقی بوو، ماوەیەک جێگرى فەرماندەى دژە تیرۆر بوو، هەفتەی ڕابردوو لەلایەن عادل عەبدولمەهدی، سەرۆک وەزیرانى عێراقەوە لە پۆستەکەی دوورخرایەوە و گوازرایەوە بۆ وەزارەتی بەرگری.

.

بڕیارى گواستنه‌وه‌ى ساعدى بۆ وه‌زاره‌تى به‌رگرى و سڕكردنى ڕۆڵه‌كه‌ى پێشووى له‌ده‌زگاى دژه‌ تیرۆرى عێراق، له‌سه‌ر ئاستى  فراكسیۆنه‌ جیاوازه‌كانى په‌رله‌مانى عێراق‌ كاردانه‌وه‌ى لێكه‌وته‌وه‌ و له‌سه‌ر ئه‌و كاره‌ ڕە‌خنه‌ى توند ئاڕاسته‌ى سه‌رۆك وه‌زیرانى عێراق، كرا.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل