fbpx
Shadow Shadow

میدیاکانی ئێران و لوبنان جێگرەوەی ئەبو مەهدی موهەندیس ئاشکرادەکەن

20:37 هه‌ینی 03 كانونی دووه‌م 2020
article image

ناس کورد –

بەشێک لە میدیاکانی ئێران و لوبنان باس لەوە دەکەن بەم نزیکانە جێگرەوەیەک بۆ ئەبو مەهدی موهەندیس، جێگری پێشووی سەرۆکی حەشدی شەعبی  دیاری دەکرێت و ناوی هادی عامری-یان بۆ ئەو پۆستە ئاشکراکردووە.

،

ئەمڕۆ هەینی، 3ی کانونی یەکەمی 2020، چەند میدیاکانی سەر بە حزبوڵا‌ی لوبنان ڕایانگەیاندوە: “بەپێی ڕێککەوتنێکی نێو لایەنە شیعییەکان هادی عامری ناوی لەلایەن هاوپەیمانێتییەکەی خۆیەوە کە هاوپەیمانی فەتحە، پێشکەشکراوە بۆ شوێنگرەوەی ئەبو مەهەدی موهەندیس، جێگری پێشوی سەرۆکی دەستەی حەشدی  شەعبی عێراق”.

،

هاوکات هەر لەوبارەیەوە ئاژانسی ئێرنای سەر بە حکومەتی کۆماری ئیسلامی ئێران ئاماژەی بەوەداوە: “دەبێت لەماوەیەکی نزیکدا شوێنگرەوەی موهەندس دیار بکرێت و بەپێی ڕیککەوتنەکانیش دانانی هادی عامری ئەگەری زۆر بەهێزە”.

،

ئاژانسە ئێرانییەکە ئەوەشی ئاشکراکردووە: “ڕیککەوتن لەسەر هادی عامری بۆ پۆستی جیگری سەرۆکی دەستەی حەشدی شەعبی کۆتایی هاتووە و ناوەکەی ڕادەستی سەرۆک وەزیران دەکرێت”.

،

بەگوێرەی ئەو میدیایانە: “عامری کەسێکی تەواو گونجاوە بۆ ئەو پۆستە، چونکە پێشتریش لەچەندین شەڕی جیهادی ئیسلامی دژی داگیرکەران و دژی داعش بەشداری کردووە و بە (شێخی موجاهیدین)یش ناوبانگی دەرکردوە”.

،

دیاریکردنی هادی عامری بۆ ئەو پۆستە لەکاتێکدایە، بەرەبەیانی ئەمرۆ هەینی 3ی کانونی دووەمی 2020، قاسم سولەیمانی ، فەرماندەی فەیلەقی قودسی سەر بە سوپای پاسدارانی ئێران لەگەڵ ئەبو مەهدی موهەندیس جێگری سەرۆکی دەستەی حەشدی شەعبی و هەشت فەرماندەی پاسداران وحەشد لە بۆردومانێکی فڕۆکە بێ فڕۆکەوانەکانی ئەمریکادا کوژران .

 

هادی عامری لە ساڵی 1954 لە دیالە لەدایکبووە و بڕوانامەی سەرژمێری لە زانکۆی بەغدا بەدەسهێناوە، لەساڵانی هەشتاکان پەیوەندی بە ئەنجومەنی باڵای ئیسلامی کردووە و بەرەو سووریا و پاشان ئێران کۆچی کردووە.
دامەزرێنەری سەرەکی رێکخراوی بەدر

عامری  دامەزرێنەری ڕێکخراوی بەدر و سەرۆکی ڕێکخراوەکەیە، لەنێوان ساڵانی 2010 تاوەکو 2014 وەزیری گواستنەوە بووە لە حکومەتەکەی مالیکی و پاشان بوو بە ئەندام پەرلەمانی عێراق لەسەر لیستی رێکخراوی بەدر کە هاوکات سەرۆکایەتی رێکخراوەکەشی دەکرد.

 

دوای سەرهەڵدانی داعش لە ساڵی 2014 و دامەزراندنی حەشدی شەعبی، عامری رۆڵی سەرەکی گێڕا لە سەرکردایەتیکردنی چەکدارانی حەشد دژ بە رێکخراوی داعش، هەر ئەوەش وایکرد بەدرێژایی چوار ساڵی رابردوو، عامری بۆ دیارترین و بەهێزترین کەسایەتی نێو حەشدی شەعبی بگۆڕدرێت.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل