fbpx
Shadow Shadow

میدیاى په‌كه‌كه‌: ئاسایشى پارتى لە هەولێر ڕۆژنامەنوسێکی دیکەی دەستگیرکردین

14:58 چوار شه‌ممه‌ 21 ئاب 2019
article image

ناس کورد

سایتی ڕۆژنێوزى سەر بە پارتی كرێكارانى كوردستان (په‌كه‌كه‌) بڵاویكرده‌وه‌، پەیامنێرێکی دیکەیان لە لایەن ئاسایشی هەولێرەوە دەستگیرکراوە.

.

سایتەکە بڵاویکردووەتەوە، سه‌رله‌به‌یانى ئه‌مڕۆ چوار شه‌ممه‌ 21 ى ئابى 2019، پەیامنێری سایتەکە بە ناوی بڕیاری محەمەد  لە لایەن بنکەی ئاسایشى تۆپزاواوە دەستگیرکراوە و ڕەوانەی ئاسایشی گشتی هەولێر کراوە.

.

بەپێی زانیارییەکانی ڕۆژ نیوز، بڕیار محەمەد پەیوەندی بە هاوسەرەکەیەوە کردووە و پێی ڕاگەیاندووە کە چاوەڕێی نەکات لە ئاسایشی گشتی بەندکراوە.

.

له‌سه‌ر هۆكارى ده‌ستگیركردنه‌كه‌ى تاریق نورى به‌ڕێوه‌به‌رى ئاسایشى گشتى هەولێر به‌ ئاژانسه‌كه‌ى ڕاگه‌یاندووه‌:” بڕیار محەمەد پێشمەرگەیە و ئیجرائاتی سەربازیی لەگەڵ دەکرێت.”

.

به‌وته‌ى كه‌سوكاره‌كه‌ى بڕیار محه‌مه‌دیش كه‌ به‌ئاژانسه‌كه‌یان ڕاگه‌یاندووه‌ ، لە شەڕی دژ بە داعشدا بەرپرسی بەشی ڕاگەیاندنی فەرماندەییەکی پێشمەرگە بووە، دواتر لە ساڵی 2016 داوایان لێکردووە وەک پێشمەرگە دەوام بکات، به‌ڵام ئەویش ڕە‌تیكردووه‌ته‌وه‌ و بەوهۆیە‌وە لەکاره‌كه‌ى دوور خراوەتەوە.

.

ئەمە لە کاتێکدایە ماوەی مانگێك دەبێت ڕۆژنامەنوسێکی دیکەی سایتی ڕۆژ نیوز بە ناوی زوبیر برادۆستى  له‌لایه‌ن ئاسایشه‌وه‌ ده‌ستگیركراوه‌ و تا ئێستا ئازاد نه‌كراوه‌.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل