fbpx
Shadow Shadow

میدیاكانی فه‌ڕه‌نسا: توركیا بە فڕۆکە لە سوریاوە چەکداره‌كانی بۆ لیبیا ده‌گوازێته‌وه‌

09:21 پێنج شه‌ممه‌ 02 كانونی دووه‌م 2020
article image

ناس کورد –

میدیایەکی فەڕەنسی ئاشکرایکرد، حکومەتی تورکیا لەڕێگای چەند فڕۆکەیەکەوە ژمارەیەکی زۆر چەکداری ئۆپۆزسیۆنی سوری بۆ شەڕکردن دژی حکومەتی لیبیا گواستۆتەوە بۆ تەڕابلوس.

.

ڕادیۆی RFIی فەڕەنسی لەڕاپۆرتێکدا بڵاوی كرده‌وه‌ :”توركیا ڕۆژانی هه‌ینی و شه‌ممه‌ی رابردو ئەو چەکدارانەی ئۆپۆزسیۆنی سوریای بە چوار فڕۆكه‌ بۆ “ته‌رابلوس”ی پایته‌ختی لیبیا گواستۆتەوە کە لەژێر دەستی چەکدارانی حکومەتەکەی ویفاقی نیشتیمانیدایە و حکومەتەکەی خەلیفە حەفتەر دەیەوێت لەژێر دەستی ئەو چەکدارانەی دەربهێنێت”.

.

ڕادیۆی نیشتمانی فەڕەنسی ئاماژەی بەوەکرد :”ئه‌و چه‌كدارانه‌ی سوریا کە له‌ فڕۆكه‌خانه‌ی “معیتیقه‌”ی لیبیا دابه‌زێنراون و كۆمپانیای هێڵی ئاسمانی لیبیا “ئەفریقا ئێرلاین” و كۆمپانیای “ئه‌جنیحه‌”ی تورکی كه‌ خاوه‌نه‌كه‌ی “عه‌بدولحه‌كیم بلحاج”ه‌و له‌ توركیا نیشته‌جێیه‌، ئه‌ركی گواستنه‌وه‌ی چه‌كداره‌كانی گرتووه‌ته‌ ئه‌ستۆ”.

.

 

هاوکات ڕامی عه‌بدولڕه‌حمان، سه‌رۆكی ڕوانگه‌ی سوری بۆ مافه‌كانی مرۆڤ، رایگه‌یاند :”تا ئێستا 500 چه‌كداری ئۆپۆزسیۆنی سوری گواستراونه‌ته‌وه‌ بۆ لیبیا”.

.

راپۆرتی ئه‌و میدیایه‌ی فه‌ڕه‌نسا له‌كاتێكدایه‌ پێشتر خلوسی ئاکار، وەزیری بەرگری تورکیا ڕایگەیاند :”سوپای وڵاتەکەمان بە تەواوەتی خۆی ئامادەکردوە بۆ ئەوەی بچێتە لیبیا و هەر کارێکیش پێویست بێت لەو وڵاتە ئەنجام دەدات لەپێناو پاراستنی برا لیبییەکانمان و حکومەتەکەی ویفاقی نیشتیمانی”.

.

ئەم بڕیارەی تورکیاش لەکاتێکدایە کە دەسەڵاتی ڕۆژهەڵاتی لیبیا و حکومەتەکەی خەلیفە حەفتەر و هاوپەیمانەکانی کە سعودیە و وڵاتانی ڕۆژئاوان، بەتوندی دژی ئەو بڕیارەی توركیان.

.

حکومەتەکەی حەفتەر کە بەدەسەڵاتی شەرعی وڵاتەکە ناودەبرێت لە 4ی نیسانی ئەمساڵەوە دەستی کرد بە هێرشکردن بۆ سەر تەرابلوسی پایتەخت و ناوچەکانی دیکەی ڕۆژئاوای لیبیا کە لەژێر دەستی حکومەتی ویفاقی نیشتیمانی لیبیادایە بۆ ئەوەی چەکدارە توندڕەوەکانی حکومەتی ویفاق وەدەر بنێن، بەڵام تورکیا دەیەوێت پاڵپشتی چەکدارانی حکومەتی ویفاق بکات و دژی سوپای نیشتیمانی لیبیا شەڕ بکات.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل