میت چالاکوانێکی کوردانی هەندەرانی بە تۆمەتی تیرۆر لە تورکیا دەستگیرکرد

ناس کورد

میدیاکانی تورکیا بڵاویانکردەوە، بە تۆمەتی تیرۆر ڕێکخەرێکی خۆپیشاندانەکانی کوردانی هەندەران لە لایەن میتەوە دەستگیرکراوە.

.

بەپێی میدیاکان، دادگای تورکیا ڕۆژی چوارشەممە 31ی تەمووزی 2019، بڕیاری دەستگیرکردنی بە تۆمەتی ئەندام بوون لە پارتی کرێکارانی کوردستان پەکەکە بۆ ئەو چالاکوانە دەرکردووە.

.

چالاکوانە کوردەکە، لە ئەوروپا ڕێکخەری خۆپیشاندانەکانی کوردان بووە لە دژی ئۆپراسیۆنەکانی سوپای تورکیا لە ناوچە کوردستانییەکان.

.

چالاکوانەکە ڕۆژی یەکشەممە 27ی تەمووز، سەردانی تورکیای کردووە و لە ناوچەی بورسا لە لایەن هێزە ئەمنیەکانەوە دەستگیرکراوە.

.

بەپێی ئەو وێنەیەی میدیای تورکیا بڵاویکردووەتەوە، چالاکوانەکە لە کاتی خۆپیشاندانێکی کوردانی نەوریجدا دەرکەوتووە و لە لایەن دەزگای هەواڵگری تورکیاوە ناسراوەتەوە لەگەڵ سەردانکردن بۆ تورکیا دەستگیرکراوە.

.