fbpx
Shadow Shadow

مۆڵەتی چەکهەڵگرتن لە هەرێم هەڵوەشاوەتەوە؟

10:51 دوو شه‌ممه‌ 16 کانونی یەکەم 2019
article image

ناس کورد- شەهرام عەزیز

وەزارەتی ناوخۆی هەرێم ڕەتیدەکاتەوە مۆڵەتی چەکهەڵگرتن هەڵوەشابێتەوە و دەڵێت، چەکی مۆڵەتدار بە یاسا ڕێکخراوە و وەرگرتنی مۆڵەتیش زۆر قورسە، “ئەوەی دەبێت چارەسەر بکرێت چەکی بێ مۆڵەتە”.

.

لە بەشێک لە میدیاکان و لە زاری تاڤگە عومەر، بەڕێوەبەری گشتیی یاسایى دەستەی مافی مرۆڤ هەواڵی ئەوە بڵاوبووەوە کە “بە بڕیاری وەزیری ناوخۆ مۆڵەتی چەکهەڵگرتن هەڵوەشاوەتەوە و یەک ملیۆن مۆڵەتی چەکهەڵگرتن لە هەرێم هەیە”.

.

سامی جەلال، بەڕێوەبەری دیوانی وەزارەتی ناوخۆ ڕەتیکردەوە هیچ بڕیارێکی لەو شێوەیە هەبێت و بە ناس کوردی ڕاگەیاند: “بەهیچ شێوەیەک بڕیارێکی لەو شێوەیە نییە و هیچ مۆڵەتێک هەڵنەوەشاوەتەوە”.

.

هاوکات دەربارەی بوونی یەک  ملیۆن مۆڵەتی چەکهەڵگرتن، سامی جەلال سەرسوڕمانى خۆى لەو ژمارەیە دەربڕى و وتى: “نازانم ئەو ژمارەیە لەکوێوە هاتووە، لە ڕاستیدا ژمارەی مۆڵەتی چەکهەڵگرتن بەڕێژەی %10ی ئەو ژمارەیەیە”.

.

بەڕێوەبەری دیوانی وەزارەتی ناوخۆی هەرێم ڕوونیکردەوە، “مۆڵەتی چەکهەڵگرتن بە هەموو کەسێک نادرێت و پێدانیشی چەندین ڕێکاری ئیداری و یاسایی پێویستە و هێندە ئاسان نییە تا ئەو ژمارە زۆرە مۆڵەتی هەبێت، لەڕاستیدا لە هەرێم کێشەکە چەکی بێ مۆڵەتە و هەوڵی چارەسەرکردنی دەدرێت، نەوەک مۆڵەتدار.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل