Shadow Shadow

بەسرە دەیەوێت ببێتە هەرێمێکی سەربەخۆ

موقتەدا سەدر دژایەتی خۆی بۆ بەهەرێمکردنی پارێزگاکان ڕاگەیاند

22:10 یه‌ك شه‌ممه‌ 07 نیسان 2019
article image

ناس کورد-

 

ڕێبەری ڕەوتی سەدر دژایەتی خۆی بۆ بەهەرێمکردنی ناوچەکانی عێراق ڕاگەیاند و جەخت دەکاتەوە هەرێمەکان چارەسەر نین.

موقتەدا سەدر ئەمشەو لە تویتێکدا ئاماژەی بۆ ئەوە کردووە کە “هەرێمەكان بژاردەی میلەتێكی چەوساوەیە کە دەیەوێت كۆتایی بە نەهامەتیەكانی بهێنێت.” دەشڵێت: “بەڵام هەرێمەكان چارەسەرنیین.”

سەدر کە ئێستا خاوەنی گەورەترین فراکسیۆنە لە ئەنجومەنی نوێنەرانی عێراقدا، لە تویتەکەیدا ئاماژەی بۆ ئەوەش کردووە کە هەرێمەكان “دزێتی بەرپرسەكان ئاسانتر دەکەن، زیادەڕەوی زیاتر دەکەن، ستەمكاری و دزینی خێر و بێرتان تەماحكارانی ناوەوە و دەرەوەتان  لێ‌ كۆدەكاتەوە. لاوازتان دەكەن بۆ ئەوەی بەئاسانی داگیرتان بكەن.”

ئەوەش لە کاتێکدایە هەفتەی ڕابردوو ئەنجومەنی پارێزگای بەسرە بەهەرێمکردنی پارێزگاکەی پەسەندکرد و داواکارییەکەی ڕەوانەی سەرۆکایەتی کۆمار و ئەنجومەنی وەزیران و ئەنجومەنی نوێنەرانی عێراق کردووە.

بەپێی یاسای دروستکردنی هەرێمەکان، دروستکردنی هەرێمێک لە عێراق پێویستی بە پێشکەشکردنی داواکارییەک بۆ کۆمسیۆنی هەڵبژاردن هەیە کە پێویستە واژۆی لەسەدا دووی دانیشتوانی ئەو ناوچانەی پێوەبێت کە داوای بەهەرێمبوون دەکەن، دوای وردبینیکردنی داخوازییەکە، دەستدەکرێت بە ئامادەکاریی ڕیفراندۆم لە ناوچەکاندا بۆ وەرگرتنی بۆچوونی دانیشتوانی ناوچەکە لەبارەی بەهەرێمکردنەکەوە، گەر زۆرینە لەگەڵیدابوون، ئەوا پارێزگاکە دەبێتە هەرێمێکی سەربەخۆ.

بەپێی دەستوور، عێراق دەوڵەتێکی فیدراڵییە و پارێزگایەک یان چەند پارێزگایەک پێکەوە دەتوانن هەرێمێکی سەربەخۆ پێکبهێنن. لە ئێستاشدا تەنها یەک هەرێمی سەربەخۆی لە عێراقدا هەیە ئەویش هەرێمی کوردستانە.

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل