fbpx
Shadow Shadow

ڕۆژی چوارەمى خۆپیشاندانەکانی عێراق ئاڵۆزترین بو

موقتەدا سەدر داوا دەکات حکومەت هەڵوەشێتەوە

22:53 هه‌ینی 04 تشرینی یه‌كه‌م 2019
article image

ناس کورد-

لە نوێترین کاردانەوەدا، بە نوسراوێکى دەستى، موقتەدا سەدر داواى دەستلەکارکێشانەوەى حکومەت و هەڵبژاردنى پێشوەختى کرد.

,

هەرچەندە فەرماندەی ئۆپراسیۆنە هاوبەشەکانی عێراق ڕایگەیاند، فەرمانی بەکارهێنانی هێزیان دژبە خۆپیشاندەران پێ نەدراوە، بەڵام توندووتیژییەکان بەردەوامیان هەبوەو ژمارەى قوربانیانیش لە هەڵکشاندایە.

,

ئەمڕۆ هەینی، 4ی تشرینی یەکەمی 2019، خۆپیشاندانەکانى عێراق پێی خستە چوار ڕۆژى خۆی و ژمارەى قوربانییەکانیش بەرزبوونەوە، لاى خۆیەوە فەرماندەی ئوپراسیۆنە هاوبەشەکانی عێراق ڕایگەیاند: “فەرمانی بەکارهێنانی هێزى دژبە خۆپیشاندەران پێینەدراوە، دۆخەکەش لەهەموو شارەکانی عێراق لەژێر کۆنتڕۆڵدایە”.

,

بەڵام پاش بەردەوامى خۆپیشاندانەکان و زیادبوونى ژمارەى قوربانیان، لە نوێترین کاردانەوەدا موقتەدا سەدر، ڕابەرى ڕەوتى سەدر نوسراوێکى دەستى بڵاوکردەوە، تیایدا وتى: “خوێنى عێراقییە بەشەرەفەکان بپارێزن، بە دەستلەکارکێشانەوەى حکومەت ‘شلع قلع’، وە بە سەرپەرشتى نێودەوڵەتى هەڵبژاردنى پێشوەختە بەڕێوەبچێت، چیتر بێدەنگ نابین لەبەرامبەر شەهیدکردنى عێراقییەکان”.

,

لەلایەکی دیکەوە ڕوانگەی مافەکانی مرۆڤ لە عێراق لە ڕاگەیەندراوێکدا کە ئەمرۆ هەینی بڵاویکردەوە ئاماژەی بەوەکرد، هێزە ئەمنییەکان دەیان برینداری خۆپیشاندانەکانیان لەناو نەخۆشخانەکان دەستگیرکردووە.

,

کۆمسیۆنی مافەکانی مرۆڤیش لە عێراق بۆ ناس کورد ئاشکراى کرد، ژمارەی کوژار و برینداری خۆپیشاندانەکانی شارەکانى عێراق لە هەڵکشاندایە، بەگوێرەی ئامارەکانی ئەوانیش تا ئێستا 40 کەس کوژراون و زیاتر لە دوو هەزار کەس برینداربوون، کە لەنێویاندا خۆپیشاندەر و ئەندامانى هێزە ئەمنییەکان هەن.

,

هاوکات ئەرشەد ساڵحی، سەرۆکی لیژنەی مافی مرۆڤى پەرلەمانی عێراق لەڕاگەیاندراویکدا، داوای لە هێزە ئەمنییەکان کرد هێز دژبە خۆپیشاندەران بەکارنەهێندرێت، وتیشی، ئەوانەی خۆپیشاندان دەکەن هاوڵاتی عێراقین و داوای مافی یاسایی خۆیان دەکەن، جەختی لەوەشکردەوە، پەرلەمان لە زوترین کاتدا دەنگ لەسەر یاسای مافی ڕادەڕبڕین دەدات بۆ ئەوەی چیدی هاولاتیان بەهۆی داواکردنی مافەکانیان دوچارى نەهامەتی نەبنەوە.

,

ڕابەری ڕەوتی سەدر ئەمڕۆ هەینی، داوای لە پەرلەمانتارانی هاوپەیمانی سائیرون کرد، ئەندامێتییان لە پەرلەمانی عێراق هەڵپەسێرن و بەشدارى دانیشتنەکان نەکەن، دواتر هاوپەیمانی میحوەری نیشتمانیش کە پێکهاتوە لە لایەنە سونەکان و هاوپەیمانی فەتح بە ڕابەرایەتی هادی عامری، هەمان هەڵوێستیان پیشاندا.

,

وێڕاى ئەوەى بڕیارە سبەى دانیشتنى پەرلەمانى عێراق بەڕێوەبچێت، بەڵام قراکسیۆنە کوردییەکانیش بڕیاریان دا نەچنە ئەو دانیشتنەوە و بایکۆتى بکەن.

,

هەر ئەمڕۆ هەینی، بۆ تاووتوێکردنی دۆخی عێراق لە ئاکامی خۆپیشاندانەکان، کۆبوونەوەیەکی دووقۆڵی لەنێوان سەرۆککۆمار و سەرۆکى پەرلەمانی عێراقی بەڕێوەچو، جارێکى دیکە جەختیان لە پاراستی سەلامەتی خۆپیشاندەران و هێزە ئەمنییەکان کردەوە.

,

لەلایەکى دیکەشەوە نەتەوەیەکگرتووەکان داوایەکی بەپەلەی ئاڕاستەی حکومەتی عێراق کرد، کە دەبێت بە زوترین کات و بەشێوەیەکی شەفاف لێکۆڵینەوە لە هۆکاری بەکارهێنانی هێز دژبە خۆپیشاندران لەلایەن هێزە ئەمنییەکانەوە ئەنجامبدات.

,

هەروەها ئەمرۆ نوێنەری ڕابەری ئاینی شیعەکان عەلی سیستانی، لەمیانەی وتاری هەینیدا لە شاری نەجەف، سەرەکۆنەی بەکارهێنانی ئاگر و ئاسنی کرد دژبە خۆپیشاندران، حکومەتی عێراقیشی لەو کارە ئاگادار کردەوە.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل