fbpx
Shadow Shadow

“منداڵان و گەنجانی ڕۆژهەڵاتی ناوەڕاست لە دۆخێکی مەترسیداردان”

22:36 هه‌ینی 09 ئاب 2019
article image

ناس کورد-

ڕێكخراوى یونسێف ڕایگەیاند، لە ڕۆژهه‌ڵاتى ناوه‌ڕاست و باکوری ئەفریقادا 15 ملیۆن منداڵ له‌خوێندن بێبه‌شن و ئەگەر ڕێگەی لێنەگیرێت ڕێژه‌كه‌ى به‌رزده‌بێته‌وه‌، هاوکات ئاماژەی بەوەشکردووە، گەورەترین ڕێژەی بێکاری هەر دەکەوێتە ئەو ناوچانەوە.

,

لە ڕاپۆرتێکیدا دەربارەی دۆخی منداڵان و گەنجان لە ڕۆژهەڵاتی ناوەڕاست و ئەفریقا، ڕێكخراوى یونسێفى سه‌ر به‌نه‌ته‌وه‌یه‌كگرتووه‌كان ڕایگەیاندووە: “به‌هۆى شه‌ڕو نائارامییەوە، له‌ئێستادا 15 ملیۆن منداڵ له‌ناوچه‌كانى ڕۆژهه‌ڵاتى ناوه‌ڕاست و باكورى ئه‌فریقیادا لە خوێندن بێبەشن”.

,

ئەو ڕێکخراوە ئاشکاریکردووە، له‌نێو 23 ملیۆن منداڵ له‌قۆناغى ئاماده‌یدا نزیكه‌ى چوار ملیۆنیان له‌ناوچه‌كانى ڕۆژهه‌ڵاتى ناوه‌ڕاست بێبه‌شن له‌خوێندن و له‌ده‌ره‌وه‌ى قوتابخانه‌ كاته‌كانیان به‌سه‌ر ده‌به‌ن، نزیكه‌ى سێ ملیۆن له‌و منداڵانه‌ش مه‌ترسى وازهێنانیان له‌قوتابخانه‌ هه‌یه‌.

,

یونیسێف هۆشداریشی لە بەرزبوونەوەی ئەو ڕێژەیە داوە لە 10 ساڵی داهاتوودا و ئاماژەی بەوەکردووە، گه‌ر وه‌به‌رهێنانى خێرا له‌كه‌رتى ته‌ندروستى و فێركردندا نه‌كرێت و خه‌ڵكى پسپۆڕ بۆ ئه‌و بواره‌ش ته‌رخان نه‌كرێت، ئه‌وا تا ساڵى 2030 ئەو ڕێژەیە پێنج ملیۆنى دیکە زیاد دەکات، به‌وه‌ش 20 ملیۆن منداڵ بێ به‌ش ده‌بن له‌خوێندن و له‌ده‌ره‌وه‌ى قوتابخانه‌كاندا ده‌ژین.

,

هاوکات سەبارەت بە ڕێژەی بێکاری ڕێكخراوه‌كه‌ ئاماژەی بەوەکردووە، بێكاری له‌نێو گه‌نجاندا به‌ڕێژه‌ى 11% بەرزبووەتەوە و ئەوەش بووەتەهۆی به‌رزبوونه‌وه‌ى ڕێژه‌ى بێئومێدى له‌نێو ئه‌و چینه‌دا.

,

بەپێی ڕاپۆرتەکەی ئەو ڕێکخراوە جیهانییە، گه‌وره‌ترین ڕێژه‌ى بێكارى له‌جیهاندا به‌ڕێژه‌ى 29% ده‌كه‌وێته‌ باكورى ئه‌فریقیاوه‌ و به‌رێژه‌ى 25% ده‌كه‌وێتە ناوچه‌كانى ترى ڕۆژهه‌ڵاتى ناوه‌ڕاسته‌وه‌.

,

هه‌ر له‌ڕاپۆرته‌كه‌ى یۆنسێف-دا ئه‌وه‌ش هاتووه‌، له‌ئێستادا ژماره‌ى چینى هه‌رزه‌كار له‌ناوچه‌كه‌دا گه‌یشتووه‌ته‌ 124 ملیۆن و ژماره‌یه‌كیش له‌وانه‌ گه‌نجانى خوار ته‌مه‌ن 24 ساڵانن.

,

هەروەها نزیکەی 37٪ی گەنجان، له‌و ناوچانه‌دا ده‌ژیین كه‌ ناکۆکی و شەڕ و ئاڵۆزیان تێدایە.

,

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل