fbpx
Shadow Shadow

مستەفا بالى لەبارەى کوژرانى ئەبوبەکر بەغدادى: تۆڵەى کوردمان کردەوە

16:15 یه‌ك شه‌ممه‌ 27 تشرینی یه‌كه‌م 2019
article image

ناس کورد-

لە دوای کوشتنی ئەبوبەکر بەغدادی، سەرکردەى رێکخراوى داعش وتەبێژی هەسەدە پەیامێکی بۆ ژنانی ئێزدی و خەڵکی کۆبانێ و کەرکوک و خانەقین نارد و ڕایگەیاند، هەرشتێک بەسەر گەلی کوردا بێت بێ سزا تێپەڕ نابێت.

.

مستەفا بالی، وتەبێژی هێزەکانی سوریای دیموکرات “هەسەدە” لە تویتێکدا لەبارەى کوژرانى ئەبوبەکر بەغدادى ئاماژە بەوە دەکات :”بۆ ژنانی ئێزدی، کۆمەڵکوژی کۆبانی، هێرشەکانی سەر کەرکوک و خانەقین، بۆ تەواوی گەلی کورد، ئێمە تۆڵەی ئێوەمان کردەوە و بەردەوامیش دەبین”.

.

مستەفا بالی روونیدەکاتەوە، هەرشتێک بەسەر گەلی ئێمەدا بێنن بەبێ سزا تێپەر نابێت.

.

درەنگانی شەوی ڕابردوو “نزیکەى هەشت هەلیکۆپتەری ئەمریکی” بۆردومانی گوندێکیان کرد لە باکوری ڕۆژئاوای سوریا، دواتر بەرپرسانى ئەمریکا و عێراق و هەسەدە و تورکیا کوژرانی ئەبوبەکر بەغدادی و چەند فەرماندەیەکی داعشیان ڕاگەیاند.

.

هاوکات لە دوای بڵاوبوونەوەی هەواڵەکە مەزڵوم کۆبانێ، فەرماندەی گشتیی هێزەکانى سوریای دیموکرات لە تویتێکیدا ڕایگەیاند، “ئۆپراسیۆنێکی مێژوویی سەرکەوتوو ئەنجامدار بەهۆی کاری هەواڵگریی هاوبەش لەگەڵ ویلایەتە یەکگرتووەکانی ئەمریکا”.

.

بەپێی سەرچاوە هەواڵگرییەکانى ئەمریکا و عێراق و تورکیا، ئەو گوندەی کە ئەبوبەکر بەغدای لێ کوژراوە ناوی “باریشا”یە لە پارێزگای ئیدلب.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل