Shadow Shadow

"ئاژەڵدارێک بە چەکەوە هێرشی کردووەتە سەر تیمەکانی شارەوانی"

مانگای بەرەڵا تەنگی بە هەڵەبجە هەڵچنیوە

21:40 چوار شه‌ممه‌ 03 ته‌موز 2019
article image

ناس کورد

لەکاتی ڕووخاندنی گەوڕی ئاژەڵدارێکی شاری هەڵەبجە، ئاژەڵدارێک، بەچەک ڕووبەڕووی تیمەکانی شارەوانی و پۆلیسی هەڵەبجە بویەوە و ڕێگری لەو هەڵمەتەی شارەوانی کرد کە ماوەیەکە دەستی پێکردووە.

.

زیادبوونی دیاردەی ئاژەڵداری لەناو سەنتەری پارێزگای هەڵەبجە، ماوەیەکە بووتە جێی تێبینی و ڕەخنەی دانیشتوانەی شارەکە، شارەوانی هەڵەبجەش، هەڵمەتێکی بۆ قەدەغەکردنی ئەو دیاردەیە دەستپێکردووە کە خۆی لە دەستبەرداگرتنی مانگای بەرەڵاو ڕووخاندنی گەوڕ لەناو سەنتەری شارەکە دەبینێتەوە.

.

کوێستان ئەکرەم، سەرۆکی شارەوانی هەڵەبجە، بە ناس کوردی ڕاگەیاند، بەیانی ئەمڕۆ چوارشەممە 3ی تەمموزی 2019، لەکاتی ڕوخاندنی گەوڕێکدا، ئاژەڵدارێک بە چەکەوە هێرشی کردووەتە سەر تیمەکانی پۆلیس و شارەوانی و ڕوبەڕوویان بووەتەوە، بەڵام تەقەی نەکردووە، دواتریش هەڵهاتووە.

.

وتیشی، لەمەولا هەڵمەتەکە توندتر دەکەنەوە و پۆلیسی زیاتر لەگەڵ تیمەکەی شارەوانی ڕەوانەی ئەو شوێنانە دەکەن، جەختی لەوەشکردەوە، سبەی پێنج شەممە، سکاڵا لەسەر ئەو هاوڵاتییە تۆمار دەکات.

.

لەبارەی ڕێکارەکانی ئەو هەڵمەتەشەوە سەرۆکی شارەوانی وتی، پێشتر ئەو ئاژەڵدارانەیان ئاگادار کردووەتەوە، بەڵام هەندێکیان گوێیان نەداوە.

.

لە چەند ڕۆژی ڕابردووشدا دوو مانگای بەرەڵایان لەناو بازاڕی هەڵەبجەدا گرتووەو دواتریش ویستوویانە بەشێوەی زیادکردنی ئاشکرا بیفرۆشنەوە، بەڵام لە درەنگانێکی شەوی ڕابردوودا، مانگاکان لەلایەن کەسانی نەناسراوەوە براون.

.

سەرۆکی شارەوانی هۆکاری ئەوەشی گەڕاندەوە بۆ ئەوەی کە شوێنێکی تایبەتیان نییە بۆ دەستبەسەردا گرتنی ئاژەڵ، هەربۆیە ئەو کەسانە بەهەلیانزانیوە مانگاکان “بدزن”.

.

لەگەڵ بەرزبوونەوەی پلەکانی گەرما، بۆنێکی ناخۆش لەو گەڕەک و کۆڵانانەی هەڵەبجە بڵاودەبێتەوە کە ئاژەڵی تێدا بەخێو دەکرێت، هەر ئەوەش وایکردوو هۆشداری لە بڵاوبوونەوەی نەخۆشی لە شارەکەدا بدرێت.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل