fbpx
Shadow Shadow

مافی مرۆڤی هەرێم ئاماری بێسەروشوێنانی نییە چونکە “پارتی و یەکێتى زانیارییمان نادەنێ”

13:20 چوار شه‌ممه‌ 24 ته‌موز 2019
article image

ناس کورد – هەڤاڵ فەتاح

دەستەى مافی مرۆڤی هەرێم ڕایگەیاند، هەوڵەکانیان بێسود بووە بۆ وەرگرتنی زانیاری لەبارەى بێسەروشوێنانی هەرێم و پارتی و یەکێتى زانیارییان پێ نادەن.

ئەمڕۆ چوارشەممە، 24ی تەموزی 2019، کۆمسیۆنی مافی مرۆڤی عێراقی ئاماری بێسەروشوێنانی عێراقی ڕاگەیاند و بەپێی ئامارەکەش، لە دوو ساڵی ڕابردوودا، حەوت هەزار و 663 بێسەروشوێن لە عێراق، جگە لە کوردستان، تۆمارکراون.

.

ناس کورد بۆ ئاماری بێسەروشوێنبوانی هەرێم پەیوەندی بە دەستەى سەربەخۆی مافی مرۆڤەوە کرد، زیا پترۆس، سەرۆکی دەستەی سەربەخۆی مافی مرۆڤ لە هەرێمی کوردستان تایبەت بە ناس کوردی ڕاگەیاند: “ئەوان هاوشێوەی کۆمسیۆنی مافی مرۆڤی عێراق هیچ ئامارێکیان سەبارەت بەو پرسە نییە”.

زیا پترۆس وتیشی، “دۆسیەى بێسەروشوێنان لای هەردوو حیزبی دەسەڵاتە لە هەرێمی کوردستان و ئەوانیش زانیاری نادەن”.

.

ڕاشیگەیاند، ئەو ئامارانە زیاتر پەیوەندی بە دۆخی سیاسی و ئەمنییەوە هەیە، هەندێک دۆسێ هەیە  ناتوانرێت بە ئاسانی بەردەست بن.”

ئاماژەى بەوەشکرد، “ئەوان هەوڵێکی زۆریان داوە کە سۆراغ و چارەنووسی بێسەروشوێنانی شەری ناوخۆی نەودەکانی سەدەی ڕابردوو بزانن، بەڵام هەوڵەکانی بێ سوود بوون.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل