fbpx
Shadow Shadow

"خەڵکی هەورامان زۆرینەی خەڵکی ڕۆشنبیر و تێگەیشتوون نازانم ئەو بەڕێزە لەکوێوە هاتووە"

ماریا هەورامى بۆ ناس کورد: سکاڵا لەسەر ئەو مامۆستای ئاینییە تۆمار دەکەم

13:57 چوار شه‌ممه‌ 14 ئاب 2019
article image

ناس کورد- شەهرام عەزیز

,

کچە گۆرانیبێژ ماریا هەورامى لەبارەى ئەو “سوکایەتی”یەى لەلایەن مامۆستایەکى ئاینییەوە پێی کرا هاتە دەنگ و دەڵێت سکاڵاى لەسەر تۆمار دەکات، ڕەتیشی دەکاتەوە هیچ پەیوەندییەکى خزمایەتى لەگەڵ ئەو مامۆستایەدا هەبێت.

,

پاش ئەوەى مامۆستا هەڵۆ حەمەڕەشید لە تۆمارێکى دەنگدیدا هێرشی کردە سەر کچە گۆرانیبێژ ماریا هەورامى، دواتر لە تۆمارێکى دیکەى دەنگیدا پەشیمان بوەوە لەو وشە “نەشیاو”انەى بەرامبەر ئەو خانمە هونەرمەندە بەکاریهێنابوو، لە لێدوانێکى تایبەتیدا بۆ ناس کورد ماریا هەورامى ڕایگەیاند: “من هەموو ڕەخنەیەک قبوڵ دەکەم کە لە سنوری ڕێزدا لێم بگیرێت، بەڵام هەرگیز ئەو قسە ناشرین و نەشیاوانە لەهیچ کەس قبوڵ ناکەم و ڕێگەی یاسایی دەگرمەبەر و دەیدەم بە دادگا”.

.

خانمە هونەرمەندەکەی هەورامان ئاماژەی بەوەشکرد: “من لە کلیپەکەمدا هیچ کارێکی نەشیاوم نەکردووە و جلوبەرگی ڕەسەنی کوردیم لەبەردا بووە و بەهەمووشێوەیەکیش لە هەموو کارەکانمان ڕەچاوی نەریتە کۆمەڵایەتییەکانم کردووە، بەڵام نازانم ئەو بەڕێزە بۆچی بەوشێوەیە هێرشی کردووەتەسەرم”.

.

سەبارەت بەوەی کە ئەو مامۆستایە داوای لێبوردنی کردووە و ئاماژەی بەوەکردووە خزمی ماریایە، ئەو ڕوونیکردەوە: “بەهیچ شێوەیەک خزمم نییە و نایناسم و تائێستاش نەمبینیوە”.

.

“خەڵکی هەورامان زۆرینەی خەڵکی ڕۆشنبیر و تێگەیشتوون، پێم سەیرە و نازانم ئەو بەڕێزە لەکوێوە هاتووە”، ماریا هەورامی وای وت.

.

لەبارەی ئەوەی کە ئەو مامۆستا ئاینییە ڕایگەیاندووە سەردانی دەکات، ماریا هەورامی جەختیکردەوە، بەهیچ شێوەیەک بینینی کەسێک قبوڵ ناکات کە بەوشێوەیە قسەی لەبارەوە کردووە و سورە لەسەر ئەوەی دەیدات بە دادگا.

.

پێشتر لە تۆمارێکی دەنگیدا کە بڵاوبووەوە، مامۆستا هەڵۆ، باسی لە نویترین کلیپی ماریا هەورامی کردبوو و بەکارێکی ناشەرع ناویبردبوو، هەروەها ئاماژەی بەوەکردبوو: “ئەوەی ئەو دەیکات لەشفرۆشیش کاری واناکات”، لەگەل کۆمەڵێک “سوکایەتى” دیکە کە بەو هونەرمەندە کچەى کردبوو.

.

دواتر ئەو مامۆستا ئاینییە پەشیمان بوونەوەى خۆى دەربڕی و ڕایگەیاند، هەڵە بووە و داوای لێبوردنی لە ماریا هەورامی کرد و ئاماژەی بەوەشکرد، خزمى ئەو کچە هونەرمەندەیە و خۆى بەخاوەنى دەزانێت و دەچێت سەردانی دەکات.

.

کلیپى “دڵەکەم”ى ماریا هەورامى:

.

.

 

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل