Shadow Shadow

ئاسمانێکى قەرەباڵغ و ئیسرائیلیش بەرپرسیارێتی ڕاگەیاند

لە کەرکوکەوە بۆ دیمەشق و دواتریش بۆ بەیروت.. شەوێکی پڕ لە خوێن و ئاگر.. و گومان

12:55 یه‌ك شه‌ممه‌ 25 ئاب 2019
article image

ناس کورد-

نیوەى شەوی یەکشەممە کۆتایی نەهاتبوو، تا هەواڵی یەک لەدوای یەک لەوپەڕی ڕۆژهەڵاتی کەرکوک تا ئەو پەڕی ڕۆژئاوای بەشی باشوری بەیروتی پایتەختی لوبنانەوە دەهات، خستنەخوارەوەى دوو فرۆکەى بێفڕۆکەوانی ئیسرائیلی تا دەگاتە ئۆپراسیۆنی تر کە بۆردومانی فڕۆکەکانی ئیسرائیل بوو لە باشوری دیمەشقی پایتەخت کە دواتر سوپای ئیسرائیل بە فەرمی ئۆپراسیۆنەکەى لە ئەستۆگرت.

لەوەش گەرمتر، میدیاکانى ئێران دەڵێن ئەمڕۆ یەکشەممە، 25ی ئابی 2019، حەسەن نەسروڵا، سەرۆکى حزبوڵای لوبنان وتاری دەبێت و تێیدا دەرگای چەند ڕووداوێکی هەرێمی و ناوچەیی دەکاتەوە.

.

کۆتا یاری منداڵەکانى داقوق

تائێستا ڕوون نییە کە ئایا بەرکەوتووانی داقوق لە کەرکوک بەهۆی یەک کردەوە بووە یان دووان، محەمەد ڕەزا، سەرۆکی لیژنەی ئاسایش لە پەرلەمانی عێراق بە ناس کوردی وت، “دوو تیرۆرست دزەیان کردووەتە یاریگایەک لە ناوچەیەکی دورەدەست لە شاری بەعقوبە و دەستڕێژی گوللەیان لە یاریزانەکان کردوە، بەهۆیەوە شەش کەس کوژراون و 9ی تریش برینداربوون.”

لەناو بەرکەوتوواندا، دوو برای منداڵ هەن و ڕاهێنەری تیپێکی میللیش کوژراوە، بەشێکی زۆری بریندارەکانیش گەیەنراونەتە نەخۆشخانەى ئازادی لە کەرکوک.”

لە کەرکوکەوە بۆ دیمەشق و دواتریش بۆ بەیروت.. شەوێکی پڕ لە خوێن و ئاگر.. و گومان

 

 

 

 

 

 

 

 

 

 

.

هێرشی موشەکی؟

هاوکات سەرچاوەیەک لە پۆلیسی ئیتیحادی ڕایگەیاند، “پێنج چەکداری حەشدی شەعبی بەهۆی کەوتنەوەى گوللە هاوەنێکەوە لە نزیک گۆڕستانی داقوق کوژراون، وەک لە چەند وێنەیەکدا لە نەخۆشخانە دەردەکەوێت، بریندارەکان جلوبەرگی سەربازییان لەبەردایە.”

لە کەرکوکەوە بۆ دیمەشق و دواتریش بۆ بەیروت.. شەوێکی پڕ لە خوێن و ئاگر.. و گومان

 

 

 

 

 

 

 

 

 

.

لێدوانەکەى ساڵحی گومانی دروستکردووە

لێدوانەکەى سەرۆکى بەرەی تورکمانی گومانی زیاتر کرد لەبارەى دەرئەنجامەکان سەرباری کەمی و نەبوونی زانیاریی، ئەوە جگە لە بێدەنگی لایەنە پەیوەندیدارەکان، ئەرشەد ساڵحی وتی، “ئەوەى ڕوودەدات بەهۆی پاڵنەری سیاسییەوەیە و لایەنێک دەیەوێت ئیرادەی خۆی بسەلمێنێت”.

.

دیمەشق: فڕۆکەى بێفڕۆکەوانی شەڕکەر

هەر لەو کاتەدا، ئاژانسی هەواڵی سانای حکومەتى سوریا هەواڵی یەک لەدوای یەکی بڵاودەکردەوە لەبارەى دەنگی چەند تەقینەوەیەک لە باشوری دیمەشقی پایتەخت، چەند سەرچاوەیەک بۆ ئاژانسەکە، تەقینەوەکان لە نزیک گوندی عەقرەبا ڕوویداوە، بەپێی ئاژانسەکە، “درەنگانێکی شەو سیستمی بەرگریی سوریا بەرپەچی دەستدرێژییەکی موشەکی ئیسرائیلی داوەتەوە لە دەوروبەری دیمەشق و زۆربەى موشەکەکانیشی تەقاندووەتەوە.”

بەڵام بەرپرسێکی سەربازی ئیسرائیلی بە ڕۆیتەرزی وتووە، “فڕۆکە ئیسرائیلییەکان بۆردومانی هێزەکانى ئێرانیان کردووە لە نزیک دیمەشق کە پلانیان هەبووە لە چەند ئامانجێکی ئیسرائیلی بدەن بە فڕۆکەى بێفڕۆکەوانی جەنگی”، هاوکات سوپای ئیسرائیلیش ڕایگەیاند، “بۆردومانەکە هێزێکی فەیلەقی قودس و میلشیا شیعەکانى کردووەتە ئامانج کە پلانیان هەبووە لە چەند ڕۆژی داهاتوودا لەناو سوریاوە هێرش بکەن سەر چەند ئامانجێکی ئیسرائیل.”

.

وتەبێژی سوپای ئیسرائیل بە ڕۆژنامەنوسانی وت، “ئەو هێزە خۆیان ئامادەکردبوو فڕۆکەى بێفڕۆکەوان ڕەوانەى ئیسرائیل بکەن.”

دوای بۆردمانەکانیش، یسرائیل کاتس، وەزیری دەرەوەى ئیسرائیل وتی، “لە کردەکانماندا سەری مارەکە دەپێکین و ئێرانیش سەری مارەکەیە و لە هیچ شوێنێک پارێزراو نییە.”

 

.

“ئاژاوەکەى باشوری بەیروت”

دوای چەند خولەکێک بەسەر ڕووداوەکانى کەرکوک و دیمەشق، میدیاکانى لوبنان چەند دیمەنێکی ناڕوونیان بڵاوکردەوە کە چەندین کەس لە شەقامێکی باشوری بەیروت، ناوەندی حزبوڵا، بڵاوکردەوە.”

لە کەرکوکەوە بۆ دیمەشق و دواتریش بۆ بەیروت.. شەوێکی پڕ لە خوێن و ئاگر.. و گومان

وێنەکان کۆبوونەوەیەکی خەڵکیان لە نزیک شوێنێک نیشان دەدا کە ئاگری گرتبوو، دواتر ئۆتۆمبێلی ئاگرکوژێنەوە گەیشتە شوێنی ئاگرەکە.

لە کاتژمێرەکانى بەرەبەیانیدا، میدیا ئێران و ڕوسییەکان لەزاری چەند سەرچاوەیەکی حزبوڵاوە باسیان لە “خستنەخوارەوەى دوو فڕۆکەى بێفڕۆکەوانی ئیسرائیلی کرد، یەکێکیان بەسەر ناوەندی ڕاگەیاندنی حزبەکەدا فڕیوە.”

دواتر چەند پەیجێکی نزیک لە حزبوڵا چەند وێنەیەکیان بڵاوکردەوە کە یەکێکە لە وێنەى ئەو دوو فڕۆکەیەی کە خراونەتەخوارەوە، بەڵام چالاکانی لوبنان گومانیان لە زانیارییەکانی حزبوڵا هەیە، بەشێک لە شارەزایانی بواری فڕۆکەی بێفرۆکەوان دەڵێن، وێنەکە فڕۆکەیەکی بێفڕۆکەوانە کە ناتوانێت زیاتر لە پێنج کیلۆمەتر بفڕێت.”

لە کەرکوکەوە بۆ دیمەشق و دواتریش بۆ بەیروت.. شەوێکی پڕ لە خوێن و ئاگر.. و گومان

 

 

 

 

 

 

 

 

 

 

 

 

بەڵام گێڕانەوەى سێیەم باس لەوەدەکات کە لەوانەیە فرۆکەیەکی بچوکی حزبوڵا بوو بێت خۆی ئامادە بکات بۆ ڕێوڕەسمی عاشورا و دواتر کەوتووەتەخوارەوە.

لە کەرکوکەوە بۆ دیمەشق و دواتریش بۆ بەیروت.. شەوێکی پڕ لە خوێن و ئاگر.. و گومان لە کەرکوکەوە بۆ دیمەشق و دواتریش بۆ بەیروت.. شەوێکی پڕ لە خوێن و ئاگر.. و گومان

 

 

 

 

 

 

 

 

 

 

 

 

 

 

 

 

 

 

 

 

 

هاوکات میدیا ئێرانییەکان دەڵێن، ئەمڕۆ یەکشەممە، حەسەن نەسروڵا، ئەمینداری گشتیی حزبوڵا لە شاشە مەزنەکانەوە چەند لێدوانێکی ڕوون دەدات لەبارەى دۆخی نێودەوڵەتی و هەرێمی و ناوچەییەوە.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل