Shadow Shadow

"بەرەیەکی شەڕی فراوان دژی تورکیا دروستدەکەین"

لە ڕۆژئاوای کوردستانەوە بە توندی وەڵامی هەڕەشەکانی ئەردۆگان دەدرێتەوە

14:51 یه‌ك شه‌ممه‌ 01 ئه‌یلول 2019
article image

ناس کورد-

بەرپرسێکی باڵای ڕۆژئاوای کوردستان ڕایدەگەیەنێت، ئەگەر بێت و تورکیا هێرش بکاتە سەر باکور و ڕۆژهەڵاتی سوریا ئەوا بەرەیەکی شەڕی فراوان دژی تورکیا دروستدەکەن.

,

ڕیاز دەرار، هاوسەرۆکى ئەنجومەنی سوریاى دیموکرات “مەسەدە” وه‌ڵامى هه‌ڕه‌شه‌كانی دوێنێی ڕەجەب تەیب ئەردۆگان، سەرۆککۆمارى تورکیای دایەوە و ڕایگەیاندووە: “ئەردۆگان لە سەردانەکەى مۆسکۆ و شکستى هێناوە و نەیتوانیوە ڤلادیمێر پۆتن ڕازی بکات کە پاڵپشتی بکات لە فراوانکردنی هێڵی ناوچەی ئارام و هێرشکردنە سەر ڕۆژئاوای کوردستان، نەشیتوانیوە بیانوو بە ڕۆژئاواى کوردستان بگرێت”.

,

هاوسه‌رۆكى مەسەدە ئاماژەی بەوەشداوە: “ئەردۆگان دەیەوێت ناوخۆى تورکیا بە هێرشکردنە سەر ڕۆژئاواى کوردستان سەرقاڵ بکات، خۆى لەو کێشانە بدزێتەوە کە لەناوخۆی وڵاتەکەی و حیزبەکەی ڕوبەڕوى بووەتەوە”.

,

دەرار ئەوەشى ڕاگەیاندووە، تورکیا هیچ سه‌ركه‌وتنێكى به‌ده‌ست نه‌هێناوه‌ ته‌نیا ئاگربه‌ستێكى كاتى نه‌بێت له‌ ئیدلب، بۆیه‌ ده‌یه‌وێ به‌م هه‌ڕه‌شانه‌ سه‌رنجى هاوڵاتییانى خۆى دوور بخاته‌وه.

,

ئەو بەرپرسە باڵایەی مەسەدە باسی لەوەشکردووە، ئەوان پێشوازییان لە ڕێککەوتنەکەى ئەمریکا و تورکیا کردووە و بەشێک لە خاڵەکانى ڕێککەتنەکەشیان جێبەجێکردووە، بۆیە ئەردۆگان هیچ بیانویەکى نییە بۆ هێرشکردن.

,

لە وەڵامی هەڕەشەکانی ئەردۆگانیشدا، هاوسەرۆکی باڵە سیاسییەکەی هەسەدە دەڵێت: “ئەگەر بێت و ئەردۆگان هەر هەڵەیەک ئەنجام بدات و بیەوێت هێرش ئەنجام بدات، ئەوە ئێمە لە سەرتاسەری ڕۆژهەڵات و باکورى سوریا کە سنوری ڕۆژئاوای کوردستانیشی تێدایە، بەرەی شەڕ لە  دژی سوپاکەی و هاوپەیمانەکانی دروستدەکەین”.

,

دوێنێ سه‌رۆكکۆمارى توركیا راگه‌یاند، چیتر ئۆقرە ناگرن و ئەگەر لەماوەى چەند هەفتەى داهاتوو رێککەتنەکەیان لەگەڵ ئەمریکا لەبارەى ناوچەى ئارام نەچێتە پێشەوە، ئەوا پلانى خۆیان بۆ هێرشى سەر رۆژئاواى کوردستان ئەنجام دەدەن.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل