fbpx
Shadow Shadow

وتەبێژى هاتوچۆى هەرێم: 63%ى ڕوداوەکان بەهۆى خێرایی شۆفێرانەوە بوون

لەماوەى نۆ مانگى سەرەتاى ئەمساڵ 655 کەس بەهۆى ڕوداوى هاتوچۆوە گیانیانلەدەستداوە

15:42 یه‌ك شه‌ممه‌ 17 تشرینی دووه‌م 2019
article image

ناس کورد-

لە ڕۆژی جیهانیی قوربانییانی هاتوچۆدا، بەڕێوەبەرایەتیی هاتوچۆی هەرێم ئاماری قوربانییانی ڕوداوەکانی هاتوچۆی بڵاوکردەوە، لە نۆ مانگى سەرەتای ئەمساڵەوە 655 كەس گیانیانلەدەستداوە.

,

ئەمڕۆ یەکشەممە 17ی تشرینی دووەمی 2019، کە هاوکاتى ڕۆژی جیهانیی قوربانییانی هاتوچۆیە، ئەسعەد مەلا کەریم، وتەبێژی بەڕێوەبەرایەتیی هاتوچۆی هەرێم رایگەیاند، لە نۆ مانگی ڕابردوودا لە شارەکانی هەرێمی کوردستان، سێ هەزار و 328 ڕوداوی هاتوچۆ ڕویانداوە، بەهۆیانەوە 655 كەس گیانیانلەدەستداوە و چوار هەزار و 844 کەسیش برینداربوون.

,

بەگوێرەی ئامارەکان هاتوچۆى هەرێم، لە ساڵی 2017شدا چوار هەزار و 385 ڕوداوی هاتوچۆ ڕویانداوە، کەبەهۆیانەوە 690 كەس گیانیانلەدەستداوە و حەوت هەزار و 16 کەسیش برینداربوون.

,

وتەبێژی هاتوچۆی هەرێم ئەوەشیخستەڕو، 63%ی ڕوداوەکان بەهۆی خێرایی شۆفێرانەوە ڕویانداوە، 33%یشیان بەهۆی کەمتەرخەمی و سەرقاڵبوونی شوفێران بە بابەتی لاوەکییەوە بوە، وتیشی، 4%ی ڕوداوەکانی هاتوچۆ لە هەرێم بەهۆی مەرجی توندووتۆڵی ئۆتۆمبێل و خراپی رێگاوبانەکانەوە بوون.

,

لەبارەى ژمارەى ئۆتۆمبێل لە هەرێمى کوردستان، ئەسعەد مەلا کەریم ئاشکرایکرد، لە ئێستادا ملیۆنێک و 711 هەزار و 558 ئۆتۆمبێل لە سەرجەم شارەکاندا بوونیان هەیە، تەنیا لەماوەی نۆ مانگی ئەمساڵیشدا، 121 هەزار و 947 ئۆتۆمبێلی نوێ تۆمارکراون.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل