fbpx
Shadow Shadow

لەدوای دروستکردنی “کەرکوک کوردستانییە”.. نەجمەدین کەریم لیستى جیای دەبێت؟

17:24 سێ شه‌ممه‌ 17 ئه‌یلول 2019
article image

ناس کورد-

ڕۆژی 9ی ئەیلول، حزبە کوردستانییەکانى کەرکوک رێککەوتن لەسەر بەشداریکردن لە هەڵبژاردنى داهاتووى ئەنجومەنى پارێزگاى کەرکوک بە یەک لیست و هاوپەیمانێتییەکەیان ناونا (کەرکوک کوردستانییە) کە بڕیارە هەڵبژاردنەکە لە 1ى نیسانى 2020 ئەنجام بدرێت.

.

پێشتر ناس کورد لە زاری سەرچاوەیەکی ئاگادار و نزیک ئاشکرایکرد، نەجمەدین کەریم بۆ هەڵبژاردنەکە لیستی سەربەخۆی دەبێت و ئامادەکارییەکانیشی دەستپێکردووە، لە ماوەی ڕابردووشدا ژمارەیەک کۆبوونەوە و چاوپێکەوتنی لەگەڵ کەسایەتییەکان و پێکهاتەکانی شارەکە ئەنجامداوە.

.

زیاتر بخوێنەوە: حزبە کوردستانییەکان: لە کەرکوک بە یەک لیست بەشدارى هەڵبژاردن دەکەین

زیاتر بخوێنەوە: نەجمەدین کەریم بۆ هەڵبژاردنی ئەنجومەنی پارێزگای کەرکوک لیستی دەبێت

زیاتر بخوێنەوە: یەکەم هەڵوێستی پارتی لەدوای دروستکردنی لیستى هاوبەشی حزبە کوردستانییەکانى کەرکوک

.

کەواتە نەجمەدین کەریم چی دەکات؟

خواستی دروستکردنی لیستى جیا لەلایەن نەجمەدین کەریم پێش دروستکردنی لیستى هاوبەشی حزبە کوردستانییەکان بوو، ناس کوردی بەدواداچوونی بۆ هەڵوێستى ناوبراو و چارەنوسی لیستەکەى کرد، بەرپرسی نوسینگەی نەجمەدین کەریم بە ناس کوردی وت، “لە ئەگەری دروستکردنی ئەو لیستە و پێکهێنانی بە تەواوەتى، دکتۆر نەجمەدین لیستەکەى پێشکەش ناکات.”

.

نەشوان جەلال، بەڕێوەبەری نوسینگەی نەجمەدین کەریم وتیشی، “ئەگەر هەموو لایەنە کوردستانییەکان لە کەرکوک لەسەر لیستێکى هاوبەش ڕێکبکەون، نەجمەدین کەریمیش پەیوەندی بەو لیستەوە دەکات.”

.

لیستى هاوبەشی کوردستانییەکان سەردەگرێت؟

لەبارەى دواین پێشهات و هەوڵەکان بۆ بە کۆتاگەیاندنی دروستکردنی لیستەکە، باژێڕەوانی مەکۆی گۆڕان لە کەرکوک دەڵێت، بارودۆخی کەرکوک پرسێکى نەتەوەییە و پێویستە سەرجەم حزب و لایەنە کوردییەکان یەکدەنگ و یەک بڕیار بن.

.

حەکیم عوبەید، باژێڕەوانی مەکۆی گۆڕان لە کەرکوک کە خۆی یەکێکە لە بەشداربووانى کۆبوونەوەى لایەنە کوردییەکان بە ناس کوردی وت، “هێشتا کۆبوونەوەکانمان بەردەوامن و سەرجەم لایەنەکان سورن لەسەر دروستکردنی لیستە هاوبەشەکە بۆ کورد لە کەرکوک.”

.

حەکیم عوبەید وتیشی، “تەنانەت ئەو لایەنانەى بەشداریی کۆبوونەوەکانیشیان نەکردووە هاوڕان لەسەر گرنگی دروستکردنی یەک لیستی هەڵبژاردن، بۆیە ناکرێت هیچ کەس و لایەنێک خۆی جیا بکاتەوە و لیستی هەبێت.”

.

سەبارەت بە هەڵوێستى بەرپرسانی باڵای حزب، حەکیم عوبەید ڕاشیگەیاند، “ئێمە بە بەردەوامی پەیوەندییەمان لەگەڵ سەروی خۆمان هەیە و هەڵوێستی ئێمە بە ڕاوێژ لەگەڵ بەرپرسانى باڵای حزب ڕاگەیەنراوە.”

.

ئاماژەى بەوەشکرد، پێویستە هەموو لایەک حزبایەتی بەلاوە بنێن و ئامادەسازی بکەن بۆ ڕوبەڕوبوونەوەى ئەو مەترسییانەى لەسەر کورد هەیە لە پارێزگاکە و پێکەوە هەمووان بڕیار بدەن.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل