Shadow Shadow

لەبارەى پیسکردنى ئاوى زێى بچوک هۆشدارى دەدرێتە هاووڵاتیان

11:24 دوو شه‌ممه‌ 12 ئاب 2019
article image

ناس کورد-

پۆلیسى شارەوانى قەڵادزێ هۆشدارى دەداتە ئەو هاووڵاتیانەى کە ئاژەڵ بۆ سەربڕین دەبەنە سەر زێى بچوک و ئاگاداریان دەکاتەوە کە ئەو کارە رێگە پێدراو نییە و دەبێتە هۆى پیسبوونى ئاوى زێکە.

.

لە راگەیەندراوێکى پۆلیسى شارەوانى قەڵادزێ، ئاماژە بەوە کراوە، ساڵانه‌ و له‌ جه‌ژنی قوربانی پیرۆز ژماره‌یه‌ك هاوڵاتی ئاژه‌ڵه‌كانیان ده‌به‌نه‌ سه‌ر زێی بچوك به‌مه‌ستی سه‌ربڕین و پاككردنه‌وه‌ی گۆشته‌كه‌ی، له‌ كۆتایشدا پاشماوه‌كه‌ی فڕێ ده‌ده‌نه‌ ناو ئاوه‌كه‌ و به‌مه‌ش ژینگه‌ی ئاوه‌كه‌ پیسده‌كات، له‌كاتێكدا ئاوی خواردنه‌وه‌ی دانیشتوانی شاری قه‌ڵادزێ له‌سه‌ر زێی بچوكه‌.

.

بەگوێرەى راگەیەندراوەکە، بۆ رێگریکردن لەو کارە هێزەکانى بنکەى پۆلیسى شارەوانى قەڵادزێ چوونەتە سەر زێى بچوک و بڵاوەیان پێکراوە تا ڕێگه‌ له‌و كه‌سانه‌ بگرن كه‌ ئاژه‌ڵه‌كانیان دێنن به‌مه‌به‌ستی سه‌ربڕین و پاككردنی تا ڕێگه‌ بگرن له‌ پیسبوونی ئاوه‌كه‌ له‌ پێناو ده‌ستبه‌ركردنی ئاوێكی ته‌ندروست بۆ هاوڵاتیان.

.

پۆلیسى شارەوانى قەڵادزێ لە راگەیەندراوەکەیدا داوا لە‌ هاوڵاتیان ده‌كات به‌هیچ شێوه‌یه‌ك ئاژه‌ڵه‌كانیان نه‌به‌نه‌ سه‌ر زێی بچوك بۆ ئه‌وه‌ی ئاوه‌كه‌ دوچاری پیسبوون نه‌بێت.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل