fbpx
Shadow Shadow

هیچ بڕه‌ پاقله‌یه‌ك ده‌ستی به‌سه‌رداگیراوه‌ به‌ حه‌بی پاراسیتۆڵ كوڵێنرابێت؟رونكردنه‌وه‌ ده‌درێت

18:04 هه‌ینی 17 كانونی دووه‌م 2020
article image

ناس كورد-

 

لیژنە هاوبەشەکانی قایمقامیەتی سلێمانی راگه‌یه‌ندراوێكیان بڵاوكرده‌وه‌ و تیایدا رەتیدەکەنەوە دەستیان بەسەر پاقلەدا گرتبێت بەحەبی پاراستیۆڵ کوڵێنرابێت و ئاماژه‌ به‌وه‌ ده‌كه‌ن “چاوێکی کراوە دەبن بۆ پاراستنی سەلامەتی هاووڵاتیان”.

.

رونكردنه‌وه‌ی لیژنه‌ هاوبه‌شه‌كانی قایمقامیه‌تی سلێمانی بۆ هه‌واڵێكی بڵاوكراوه‌ له‌هه‌ژماری یه‌كێك له‌ په‌رله‌مانتاره‌كانی كوردستان و تیایدا ئاماژه‌ به‌وه‌ كراوه‌ “لیژنەکانی تەندروستی و قائیمقامیەتی سلێمانی دەستیان بەسەر پاقلەیه‌كدا گرتووه‌ كه‌ به‌ حەبی (پاراسیتۆڵ) کوڵێنراوه‌”.

.

له‌ رونكردنه‌وه‌كه‌دا لیژنه‌ هاوبه‌شه‌كان ره‌تیده‌كه‌نه‌وه‌ هیچ حاڵەتێكی وەها لەلایەن لیژنەکانی قایمقامیەتی سلێمانیەوە تۆماركرابێت و جه‌خت ده‌كه‌نه‌وه‌ “هیچ بڕە پاقلەیەكی كوڵاویش دەستی بەسەردا نەگیراوە”.

.

به‌گوێره‌ی رونكرنه‌وه‌كه‌، بەمەستی سەلامەتی تەندروستی هاووڵاتیان ئەو خواردەمەنیانەی رۆژانە دەیکڕن و دەیخۆن، قایمقامیەتی سلێمانی لەڕێی (38) لیژنەوە لەبەرەبەیانێکی زوەوە تا درەنگانێکی شەو چاودێری وردی بازاڕو شوێنەگشتییەکان دەکات، سەرپێچیکارن سزادەدات کەبە سزای مادی دەستپێدەکات تاداخستنی شوێنەکە و روبەروکردنەوەی خاوەنەکەی بەدادگا.

.

هاووڵاتیانیش دڵنیاده‌كاته‌وه‌ کە قایمقامیەتی سلێمانی و لیژنە هاوبەشەکانی چاوێکی کراوە دەبن و مکوڕ دەبن لەسەر پاراستنی تەندروستییان.

.

داواش كراوه‌ لەکاتی هەبونی کاڵا و شمەکی خراپ و ماوە بەسەرچوو یاخود گەیاندنی سکاڵا دەتوانن لەڕێی تۆڕی کۆمەڵایەتی فەیسبوک یاخود ژمارە تەلەفونی (07708677777) پەیوەندی بە قایمقامیەتی سلێمانی و لیژنە هاوبەشەکانییەوە بکەن.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل