fbpx
Shadow Shadow

لایەنە کوردییەکان سورن لەسەر ئەوەى ناوى هاوپەیمانییەکەیان “کەرکوک کوردستانییە” بێت

21:02 دوو شه‌ممه‌ 16 ئه‌یلول 2019
article image

ناس کورد-

پاش ئەوەى لایەنە عەرەبەکانی کەرکوک، ڕەخنەیان لە حیزبە کوردییەکان گرت بەوەى ناوى هاوپەیمانییەکەیان بۆ هەڵبژارنى ئەنجومەنى پارێزگاکە ناوە “کەرکوک کوردستانییە”، ئەندامێکى کوردى ئەنجومەنى پارێزگاکەش دەڵێت، سورن لەسەر ئەوەى هاوپەیمانییەکانیان ئەو ناوە بێت.

,

ئەمڕۆ سێشەممە، 16ی ئەیلولی 2019، لایەنە عەرەبەکانی کەرکوک، بە مەبەستی بەشداریکردن لە هەڵبژاردنی ئەنجومەنی پارێزگای کەرکوک هاوپەیمانێتییەکی هاوبەشیان ڕاگەیاند بەناوی “بەرەی عەرەبی یەكگرتوو”، كە لە كۆمەڵێك حیزب و سەرۆكهۆز و كەسایەتی عەرەبی كەركوك پێكدێت، لەکۆنگرەیەکى ڕۆژنامەوانیدا، سەفا عوبەیدى، سەرۆکی بەرەکە وتى: “ناوی هاوپەیمانێتی حیزبە كوردستانییەكان كێشەی هەیە و ئێمە تانەی لێدەدەین، چونكە ناوێكی نەتەوەپەرستییە و پێچەوانەی یاسایە”.

,

لاى خۆشیەوە، ئەحمەد عەسکەری، ئەندامی لیستی برایەتی لە ئەنجومەنی پارێزگای کەرکوک بە ناس کوردی وت: “ناوی لیستی کەرکوک کوردستانییە، بەهیچ شێوەیەک کێشەی یاسایی و دەستوری تێدا نییە و ئێمە پێش ئەوەی ناوەکە تۆمار بکەین بیرمان لێکردووەتەوە، نە وشەکانی و نە مانای ناوی لیستەکەمان قەدەغەکراو و یاساغ نین، بۆیە سورین لەسەر ناوەکەی و نایگۆڕین”.

,

ئەحمەد عەسکەری ئاماژەی بەوەشکرد: “ئەو وشانەی کە لە دەستوردا قەدەغەن ئەو وشانەن کە مانای بەعسیبوون و سەدامینبوون دەبەخشن، نەک ئەو ناوەی ئێمە، ئەو لایەنانەی ڕەخنە لە ئێمە دەگرن، خۆیان حەز دەکەن ناوی بەعسییەت لە لیستەکانیان بنێن”.

,

سەبارەت بەوەى کورد جگە لە کەرکوک لە پارێزگاکانی نەینەوا، ئەنبار و سەڵاحەدین بە هاوپەیمانێتییەکی هاوبەشی بەشداری دەکات؟ یان نا؟، ئەو ئەندامەى ئەنجومەنى پارێزگاى کەرکوک وتی: “ئەو بابەتە هێشتا لە گفتوگۆدایە، بەڵام لە هەموو دۆخێکدا کورد بە یەک لیست بەشداری بکات باشترە، چونکە ئێستا ژمارەى کورسییەکانى کورد لەو پارێزگایانە کەم بوونەتەوە”.

,

حیزبە كوردییەكانی كەركوك، 9ی ئه‌یلولى ئەمساڵ، رێككەوتنێكیان ڕاگه‌یاند بۆ هه‌ڵبژاردنی ئه‌نجومه‌نی پارێزگای كه‌ركوك، تا له‌ڕێی لیستێكی هاوبه‌شه‌وه‌ به‌ناوی “كه‌ركوك كوردستانییە” به‌شداری بكه‌ن.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل