Shadow Shadow

ڕووداوەکانی ئەمڕۆی باکوری کوردستان

لایەنگرانی هەدەپە ڕژانە سەر شەقامەکان و پۆلیسی تورکیاش بە توندی ڕوبەرویان بوویەوە

23:20 سێ شه‌ممه‌ 20 ئاب 2019
article image

ناس کورد – هۆرڤان رەفعەت

لە خۆپیشاندانەکەی ئەمڕۆی ئامەدی باکوری کوردستان سێ پەرلەمانتاری هەدەپە و ژمارەیەک هاوڵاتی برینداربوون.

.

ئەمڕۆ، سێ‌شەممە 20ی ئابی 2019  دوای ڕۆژێک لە بڕیارەکانی حکومەتی تورکیا بۆ دوورخستنەوە و لابردنی سێ سەرۆک شارەوانییەکەی باکووری کوردستان، لایەنگرانی پارتی دیموکراتی گەلان هەدەپە و پەرلەمانتارەکانی لەبەردەم بارەگای سەرەکی پارتەکە کۆبوونەوە و دواتر خۆپیشاندانێکی فراوانیان ئەنجامدا.

.

دوای ئەوە کە خۆپیشاندەران ویستیان بچنە بەردەم بینای شارەوانی ئامەد، هێزە ئەمنییەکان هێرشیان کردە سەر خۆپیشاندەران و زیاتر لە 20 کەسیان دەستگیرکرد، هاوکات گازی فرمێسک ڕێژ و ئۆتۆمبێلی ئاوپرژێنیان دژی خۆپیشاندەران بەکارهێنا و ژمارەیەک خۆپیشاندەر برینداربوون، لەنێو بریندارەکاندا هەرسێ پەرلەمانتاری هەدەپە (ئایشە ئاجار باشەران، تولای هەتیم ئۆغولار، سەرپیل کەمال بای) هەبون.

.

هاوکات لە شارەکانی وان و مێردین کە سەرۆک شارەوانییەکانیان دورخراونەتەوە و لە شوێنی ئەوان قەیومی خۆسەپێن دانراوە،  لەلایەن لایەنگران و هاوڵاتیانی ئەو شارانەوە خۆپیشاندان ئەنجامدرا و لەوێش هێزە ئەمنییەکان ڕوبەڕویان بونەوە.

.لایەنگرانی هەدەپە ڕژانە سەر شەقامەکان و پۆلیسی تورکیاش بە توندی ڕوبەرویان بوویەوە

سەزای تەمەللی هاوسەرۆکی گشتی هەدەپە لە خۆپیشاندانەکەدا رایگەیاند: “پێویستە گەل بێت بەدەم ئەم دژایەتیکردنەی دیموکراسییەوە  و با هەموان شوێنی کارەکانیان جیبهێڵن و ڕیگری لەم کارە خراپە بگرن و هاوار بکەن و ئەم دۆخە ڕەت بکەنەوە بۆ ئەوەی بەهای دیموکراسی لە وڵاتەکەماندا نەشکیت”.

.

بەپێی ئامارەکان لە ماوەی دوو ڕۆژی رابردوودا نزیکەی 650 هاوڵاتی کورد و لایەنگری هەدەپە لە باکوری کوردستان دەستگیر کراون.

.

هاوکات هەر سه‌رله‌به‌یانی ئه‌مڕۆ سێ‌شەممە پۆلیسی‌ توركیا له‌ شاری‌ ئیسته‌نبوڵ‌ هه‌ڵیكوتایه‌ سه‌ر ماڵی شه‌ڤین ئالاجا هاوسه‌رۆكی شاره‌وانیی قه‌رسی باکووری کوردستان به‌ پاساوی دۆسیەی نهێنی.

.لایەنگرانی هەدەپە ڕژانە سەر شەقامەکان و پۆلیسی تورکیاش بە توندی ڕوبەرویان بوویەوە

هەروەها هەر ئەمڕۆ بەبریاری  وه‌زاره‌تی ناوخۆی توركیا، موسته‌فا یامان پارێزگاری مێردین بۆ دووه‌مین جار وه‌ك (قه‌یوم)ی خۆسەپێن له‌ شاره‌وانی گه‌وره‌شاری مێردین لەشوێنی ئەحمەد تورک دانرایەوە، کە پێشتریش هه‌ڵبژاردنه‌كان بۆ ماوه‌ی سێ ساڵ وه‌ك سه‌رۆكی شاره‌وانی مێردین به‌سه‌ر شاره‌وانیی مێردیندا سه‌پێندرابوو.

.

ئه‌حمه‌د تورك، کە دوای هه‌ڵبژاردنه‌كانی 31ی ئازاری ئه‌مساڵ وه‌ك هاوسه‌رۆكی شاره‌وانی مێردین هه‌ڵبژێردرا به‌ ئاماژه‌دان به‌ داگیركردنی شاره‌وانییه‌كان له‌لایه‌ن ده‌وڵه‌تی توركیاوه‌، رایگەیاند: “له‌ ئێستادا یاسا نییه‌، ناحه‌قی له‌ ئاستێكی هه‌ره‌به‌رز دایه‌، ئیراده‌ی گه‌ل ناناسرێت و دانانی پارێزگار به‌سه‌ر شاره‌وانی پشتڕاستی ده‌كاته‌وه‌ كه‌ توركیا دژی دیموكراسییه‌ و ئه‌وه‌ی كراوه‌ نیشانه‌ی نه‌بوونی سه‌روه‌ری یاسا و بێ یاساییە”.

.لایەنگرانی هەدەپە ڕژانە سەر شەقامەکان و پۆلیسی تورکیاش بە توندی ڕوبەرویان بوویەوە

لە هەڵوێستێکی نێودەوڵەتیشدا، هەر ئەمڕۆ نوێنه‌ری‌ وه‌زاره‌تی‌ ده‌ره‌وه‌ی‌ ئه‌وروپا لەبارەی لابردنی سەرۆک شارەوانییەکانی هەدەپەوە له‌ راگه‌یه‌ندراوێكدا وتی‌: “لابردن و ده‌ستگیركردنی‌ سه‌رۆك شاره‌وانییه‌ هه‌ڵبژێردراوه‌كان و دانانی‌ پیاوانی‌ سه‌ر به‌ ده‌سه‌ڵات له‌ شوێنیان له‌لایه‌ن ده‌سه‌ڵاتدارانی‌ توركیاوه‌، بێبه‌شكردنی‌ ده‌نگده‌رانه‌ له‌ نوێنه‌رایه‌تی‌ سیاسییان له‌سه‌ر ئاستی‌ ناوخۆیی و زیان له‌ دیموكراتیه‌تی‌ ناوخۆیی ئه‌و وڵاته‌ ده‌دات، هەروەها ئه‌و ڕێوشوێنانه‌ی‌ ده‌سه‌ڵاتدارانی‌ توركیا گومان له‌سه‌ر ئه‌نجامی‌ هه‌ڵبژاردنی‌ شاره‌وانییه‌كانی‌ 31ی‌ ئازاری‌ رابردووی‌ ئه‌و وڵاته‌ دروست ده‌كات.”

.

نوێنه‌ری‌ وه‌زاره‌تی‌ ده‌ره‌وه‌ی‌ ئه‌وروپا باسی لەوەشکردوە “ئه‌نقه‌ره‌ مافی‌ یاسایی هه‌یه‌ كه‌ رووبه‌ڕووی‌ تیرۆر بێته‌وه‌، به‌ڵام پێویسته‌ ده‌سه‌ڵاتدارانی‌ توركیا به‌گوێره‌ی‌ یاسا ئه‌و كاره‌ بكه‌ن و ڕێز له‌ مافه‌كانی‌ مرۆڤ و ئازادییه‌ بنه‌ڕه‌تییه‌كان بگرن، ئه‌و رێوشوێنه‌ی‌ توركیا دژی‌ سه‌رۆك شاره‌وانییه‌ هه‌ڵبژێردراوه‌كان، پاڵنه‌ری‌ سیاسی‌ له‌ پشته‌”.

.

‌لە هەڵوێستیکی دیکەشدا ئه‌حمه‌د داود ئۆغڵو، سه‌رۆك وه‌زیرانی پێشوی توركیا و ئەندامی پێشوی ئەنجومەنی سەرکردایەتی ئاکەپە کە ئێستا سەرقاڵی دروستکردنی پارتێکی سیاسی نوێیە، لە پەیامێکدا لەتۆڕی کۆمەڵایەتی تویتەر ڕایگەیاندوە: “ئه‌و بڕیاره‌ دژبه‌ ئاشتیی كۆمه‌ڵایه‌تییه‌ و له‌سه‌ركارلادانی ئه‌و سێ سه‌رۆك شاره‌وانیانه‌ی تازه‌ هه‌ڵبژێردراون هه‌نگاوێكی دروست نه‌بووە”.

.لایەنگرانی هەدەپە ڕژانە سەر شەقامەکان و پۆلیسی تورکیاش بە توندی ڕوبەرویان بوویەوە

لەبەرامبەریشدا عومەر چەلیک وتەبیژی ئاکپارتی دەربارەی ئەو بڕیارە رایگەیاندوە “هۆکاری بڕیارەکە ئەوەیە کە ئەو سەرۆک شارەوانییانە پشتگیری رێکخراوە تیرۆستییەکانیان کردوە و دامودەزگا و توانا و دەسەڵاتەکانی شارەوانیان خستبوویە خزمەت رێکخراوی تیرۆریستییەکانەوە و زۆر داوامانکردوە ئەو کارانە دوبارە نەکرێنەوە و لەچوارچێوەی یاساکانی دەوڵەتی یاسادا خزمەت بە خەڵک بکەن”.

.

ئه‌م ڕوداوانەش دوای ئەوە دێت کە دوێنێ‌ دووشەممە 19ی ئابی 2019، هێزە ئەمنییەکانی تورکیا باڵەخانەی شارەوانییەکانی ئامەد، وان و مێردین_یان گه‌مارۆ دا و عەدنان سەلجوق مزراکلی هاوسەرۆکی گەورە شارەوانی ئامەد، بەدیعە ئۆزگۆکچەئەرتان، هاوسەرۆکی گەورە شارەوانی وان و ئەحمەد تورک هاوسەرۆکی گەورە شارەوانی مێردین کە سەر بە هەدەپەن، لە کارەکانیان دوورخرانەوە.

.

هێرشی پۆلیسی تورکیا بۆ سەر خۆپیشاندەرانی هەدەپە

خۆپیشاندانی لایەنگرانی هەدەپە دژ بە لابردنی سەرۆک شارەوانییەکانی وان، ماردین و ئامەد#ناس_نیوز

Gepostet von NAS – KURD am Dienstag, 20. August 2019

 

 

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل