fbpx
Shadow Shadow

سیاسه‌تی

كەتیبەكانی حزبوڵای عێراق داواكەی سەدر ڕەتدەكەنەوە

22:53 شه‌ممه‌ 25 كانونی دووه‌م 2020
article image

ناس کورد-

 

كەتیبەكانی حزبوڵڵای عیراق داواكاریەكەی موقتەدا سەدر بۆ “هێوركردنەوە”ی بابەتی دەركردنی هێزەكانی ئەمریكا لە عیراق رەتدەكەنەوە و تەئكید دەكەنەوە، مافی بەرگری پێویستی بە وەرگرتنی ڕەزامەندی نییە لەهیچ كەسێك.

،

سەبارەت بەداواكاریەكەی موقتەدا سەدر، ڕێبەری ڕەوتی سەدر، ئەبو عەلی عەسكەری، وتەبێژی كەتیبەكانی حزبوڵڵا لەتۆڕی كۆمەڵایەتی تویتەر بڵاویكردوەتەوە: “گەلێك كە بەو شێوە تایبەتەو لەم بارودۆخە هەستیارە هاتنە سەر شەقامەكان پێویستە رێزی بگیردرێت، ئەویش بە حكومەتێكی دادپەروەر كە خزمەتی بكات و ئاسایش و سەروەری بپارێزێت و داهاتوی مسۆگەر بكات، خۆتان یەكلایی بكەنەوە و دواخستن و بەرگریكردن لە خۆفرۆشان و بەكرێگیراوان بەسە”.

 

جەختیلەوەش کردووەتەوە: “رۆڵەكانی بەرگری ئیسلامی ئامادەن بۆ بەرگریكردن لە گەلەكەیان بە بەرزترین پلەی پیشەیی و دڵسۆزی، هەروەها هەڵوێستی كەتیبەكانی حزبوڵڵا لەلایەن رۆڵەكانیەوە قسەی لەسەر دەكرێت و تەواو سەربەخۆیە لە بڕیارەكانیدا”.

 

ئەبو عەلی عەسكەری رونیشیكردوەتەوە: “پابەند نین بەهیچ لێكتێگەیشتنێكی ناوخۆیی و دەرەكی، تەنها ئەو رێكەوتنانە نەبێت كە لەگەڵ هاوپەیمانەكانماندا دەكرێت، ئەویش لەسەر بنەمای بەرژەوەندی باڵای ئاسایشی عیراق و ناوچەكە، بێ‌ دوودڵی پێمان وایە مافی بەرگری لە سەروەری عیراق پێویستی بە وەرگرتنی رەزامەندی هیچ كەسێك نییە”.

،

ئەمە لەكاتێكدایە، رۆژی هەینی خۆپیشاندانی ملیۆنی بۆ داواكردنی دەركردنی هێزە بیانیەكان بەتایبەتی هێزەكانی ئەمریكا لە عیراق ئەنجامدرا و ڕەوتی سەدری و كەتیبەكانی حزبوڵڵاش بەشێك بوون لە خۆپیاشندانەكە، لای خۆشیەوە موقتەدا سەدر داوای “هێوركردنەوە”ی كرد سەبارەت بەدەركردنی هێزە بیانیەكان.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل