Shadow Shadow

هاتوچۆ لەرێگەكەدا راگیراوە

قایمقامی قەزای كۆیە بۆ ناس كورد: بەشێك لەچیای هەیبەت سوڵتان داڕما

13:15 سێ شه‌ممه‌ 02 نیسان 2019
article image

ناس كورد- شەهرام عەزیز

بەهۆی باران بارینەوە بەشێك لە چیای هەیبەت سوڵتان لە كۆیە داڕما و بووە هۆی راگرتنی هاتوچۆی هاووڵاتیان و هۆشداریش بە هاووڵاتیان دەدرێت لە مەترسی دووبارە بوونەوەی داڕمانەكە.

تاریق حەیدەری، قایمقامی قەزای كۆیە تایبەت بە ناس كورد-ی ڕاگەیاند”بەهۆی بەردەوامی باران بارینەوە بەشێك لە چیای هەیبەت سوڵتان داڕماوە و بووەتە هۆی بەربەستی هاتووچۆ لەسەر ڕێگای كۆیە”.

قایمقامی قەزای كۆیە كە لەشوێنی رووداوەكەوە بۆ ناس كورد قسەی كرد، ئاماژەی بەوە كرد كە لەئێستادا خەریكی پاككردنەوەی رێگاكەن و پاش چەند كاتژمێرێكی دیكە ڕێگاكە دەكرێتەوە.

قایمقامی كۆیە هۆشداری بە هاوڵاتیانیشدا لە مەترسی دووبارەبوونەوەی داڕمانی چیاكە و وتی ” لە ئێستادا بەردەوام مەترسی ڕوودانەوەی داڕمان هەیە و داوا لە هاوڵاتیان دەكەین تا دەتوانن لەو ڕێگایەوە هاتووچۆ نەكەن”.

چەند رۆژێكە شەپۆلێكی باران بارینی بەخوڕ هەرێمی كوردستانی گرتووەتەوە و بووەتە هۆی دروستبوونی لافاو لە هەندێك ناوچە و بەربەستی بۆ هاتوچۆی هاووڵاتیان دروست كردووە.

قایمقامی قەزای كۆیە بۆ ناس كورد: بەشێك لەچیای هەیبەت سوڵتان داڕما قایمقامی قەزای كۆیە بۆ ناس كورد: بەشێك لەچیای هەیبەت سوڵتان داڕما قایمقامی قەزای كۆیە بۆ ناس كورد: بەشێك لەچیای هەیبەت سوڵتان داڕما

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل