fbpx
Shadow Shadow

قایمقامیەت هۆشداریدەدات لەبارەى گواستنەوە و بەکارهێنانی “ئاوی لە دەبەنراو”

16:59 چوار شه‌ممه‌ 07 ئاب 2019
article image

ناس کورد-

پسپۆڕیكی بواری خۆراك زیانه‌كانی گواستنه‌وه‌ و عه‌مباركردنی ئاوی له‌ ده‌به‌نراو لەبەر گەرمادا ئاشكرا ده‌كات و سه‌رۆكی لیژنه‌ هاوبه‌شەكانیش هۆشداری بە خاوەن کارگە و دوکانەکان دەدات کە ئەگەر پابەندی بڕیارەکانیان نەبن سزادەدرێن.

بەگوێرەی ڕاگەیەندراوێکی قائیمقامییەتی سلێمانی، له‌شكر حه‌مید، سه‌رۆكی لیژنه‌كانی ته‌ندروستی سلێمانی ڕایگه‌یاندووە: “به‌ گواستنه‌وه‌ و عه‌مباركردنی ئاوی له‌ده‌به‌نراو له‌پله‌ی گه‌رمی به‌رز و به‌ر تیشكی خۆردا، كرداری به‌هه‌ڵم بوون ڕووده‌دات كه ئەوەش ‌ده‌بێته‌ هۆی گه‌شه‌كردنی قه‌وزه‌ و بڵاوبونه‌وه‌ی به‌كتریا تێیدا و زیان به‌ ته‌ندروستی مرۆڤ ده‌گه‌یه‌نێت.

.

ئاماژەی بەوەشکردووە، “بۆ ئه‌وه‌ی هاوڵاتیان ئاوێكی بێ مه‌ترسی و ته‌ندروستیان به‌ده‌ست بگات پێویسته‌ گواستنه‌وه‌ وعه‌مباركردنی ئاوی له‌ده‌به‌نراو له‌ (25) پله گه‌رمی كه‌متر و دور له تیشكی خۆر ئه‌نجام بدرێت، به‌پێچه‌وانه‌وه‌ كرداری به‌هه‌ڵمبوون دروست ده‌بێت و ئاوەکە زیانی دەبێت.”

هاوکات ده‌رباره‌ی ئه‌و كه‌س و شوێنانه‌ی به‌شێوه‌یه‌كی ناته‌ندروست ئاوی له‌ده‌به‌نراو ده‌گوازنه‌وه‌ یاخود عه‌مباری ده‌كه‌ن، گۆران قادر سه‌رۆكی لیژنه‌ هاوبه‌شه‌كانی قائیمقامیه‌یه‌تی سلێمانی هۆشداریداوە، رۆژانه‌ لیژنه‌ هاوبه‌شه‌كان سه‌ردانی كارگه‌ و دوكان و بازاڕ و شوێنه‌ گشتیه‌كان ده‌كه‌ن، ‌هه‌رشوێنێك ئاوی له‌ده‌به‌نراوی له‌به‌رتیشكی خۆر عه‌مباركردبێت سزای توندی ده‌ده‌ن.

.

ڕاشیگەیاندووە، قائیمقامیه‌تی سلێمانی نوسراوی ئاڕاسته‌ی به‌رێوه‌به‌رایه‌تی هاتوچۆی سلێمانی كردووه‌ بۆئه‌وه‌ی ڕێگه‌ نه‌ده‌ن هیچ ئۆتۆمبێلێك ئاوی له‌ده‌به‌نراو له‌به‌رتیشیكی خۆر بگوازێته‌وه‌، ته‌نها رێگه‌ به‌ ئۆتۆمبێلی ساردكه‌ره‌وه‌(به‌راد) ده‌درێت ئاوی له‌ده‌به‌نراو بگوازنه‌وه‌.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل