fbpx
Shadow Shadow

سیاسه‌تی

قائیمقامی شەنگال بۆ ناس کورد: ئەگەری زۆرە هەمان سیناریۆی 2014 بەسەر ئێزدییەکان دوبارەبێتەوە

13:35 هه‌ینی 28 شوبات 2020
article image

ناس کورد- هەڤاڵ فەتاح  

قائیمقامی قەزای شەنگال، هۆشداری دەدات لە دووباربوونەوەی سیناریۆی داگیرکردنی قەزای شەنگال و ڕایگەیاند، داعش لە گوندە عەرەبەکانی هاوسنوری قەزاکە بە ڕۆژ وەک هاووڵاتی سڤیل هەڵسوکەوت دەکەن و بەشەویش بە بەرچاوی هێزە ئەمنییەکانی عێراقەوە هێرش دەکەنە سەر ئێزیدییەکان.

 ،

مەحما خەلیل، قائیمقامی قەزای شەنگال بە ناس کوردی ڕاگەیاند: “ئەگەری زۆرە هەمان سیناریۆی داگیرکردنی قەزاکە کە لەساڵی 2014 ڕوویدا جارێکی تر دووبارە بێتەوە”.

 ،

وتیشی: “چەکدارانی داعش بەبەرچاوی سوپای عێراق و هێزە ئەمنییەکانەوە ناو بە ناو هێرشدەکەنە سەر ئەو ناوچانەی کە ئێزیدییەکانی تێدا نیشتەجێیە بە تایبەتی ناوچەی کۆهبل”.

 ،

قائیمقامی شەنگال، ڕوونیکردەوە: ” ناوچەی کۆهبل سەر بە ناحییەی سنونێی سەربە قەزای شەنگالە، بەردەوام دووچاری هێرشی چەکدارانی داعش دەبێتەوە، هەموو هێرشەکانیش لە گوندە عەرەب نشینەکانەوە دەکرێتەسەریان، وەک  گوندەکانی جڕی، سیبایا، سایر و خازەکە”.

 ،

مەحما خەلیل، ئاماژەی بەوەشکرد: “چەکدارانی داعش لەو گوندانە بە ڕۆژ وەک هاوڵاتی سیڤیل خۆیان نیشاندەدەن و هەڵسوکەوت دەکەن، بەڵام بە شەو هێرش دەکەنە سەر ئیزیدییەکان، تائێستاش زیاتر لە 15 بیری ئیرتوازیان لەو ناوچەیە تەقاندوەتەوە کە خەڵکی ناوچەکە بۆ ئاوخواردنەوە و ئاودێری بە کاریدەهێنن”.

  

 ،

بەوتەی مەحما خەلیل: “پێش هێرشەکانی داعش بۆ ناوچەکە لە ساڵی 2014 ناوچەی کۆهبل ژمارەی دانیشتوانی نزیکەی 20 هەزار کەس بوو، پاش ڕزگاکردنی ناوچەکەش 30٪ی خەڵکەکەی گەڕاونەتە ولە ئێستاشدا سەرقاڵی کشتوکاڵ و ئاژەڵدارین، بەڵام چەکدارانی داعش دەیانەوێت جارێکی دیکە ئەو ناوچەیە لە خەڵکە ڕەسەنەکەی چۆڵبکەن و ناچاریان بکەن بەرەو ناوچەکانی دیکەی هەرێمی کوردستان کۆچبکەن”.

 ،

” دواین بیری ئیرتوازی لە درەنگانی شەوی ڕابردوو لەلایەن چەکدارانی داعش تەقیندرایەوە، ئەو بیرە ئیرتوازیانە لە لایەن ڕێکخراوی فاو و چەند ڕێکخراوێکی نێودەوڵەتی نۆژەنکرانەوە پاش ئەوەی داعش لە ساڵی 2014 لە میانەی داگیرکردنی ناوچەکە هەموویان تەقاندبوەوە”. قائیمقامی شەنگال وای وت

 ،

شارۆچکەی شەنگال لە مانگی ئابی ساڵی 2014  لە لایەن تیرۆریستانی داعشەوە دەستی بەسەرداگیرا، کە بووە هۆی ئاوارەبوونی سەدان هەزار هاوڵاتی کوردی ئێزیدی و کۆمەڵکوژکردنی سەدان و ڕفاندنی هەزاران ژن و کچی پاکیزە و دواتریش بەشێک لەلایەنەکان هێزەکانی پارتی دیموکراتی کوردستانیان بەوە تۆمەتبارکرد کە بەرگرییان نەکردووە و قەزاکەیان بۆ داعش چۆڵکردووە.

 ،

لە 11ى تشرینی دووەمی 2015،  ئۆپەڕاسیۆنی سەربازی ئازاد کردنەوەی شەنگال و دەوروبەری لە دەست تیرۆریستانی داعش دەستی پێکرد، هەڵمەتەکە بەناوی “توڕەیی تاوسی مەلیك” دەستی پێکرد و ئۆپەڕاسیۆنەکەش بە بەشداری هێزی ئاسمانی هاوپەیمانان و هێزی پێشمەرگەی کوردستان ئەنجامدرا.

 ،

وتەکانی قائیمقامی شنگال لەکاتێکدایە، ماوەیەکە چەکدارانی داعش لە ناوچە سنورییەکانی نێوان هەرێم و عێراق چالاکی ئەنجامدەدەن و لایەنە سیاسییەکانی هەرێم و وەزارەتی پێشمەرگەش داوادەکەن، هێزەکانی پێشمەرگە بگەڕێنەوە ئەو ناوچانە بۆ بەرەنگاربوونەوەی پاشماوەکانی داعش.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل