Shadow Shadow

"دەبێتە هۆی گەڕانەوەی داعش بۆ شنگال و موسڵ"

قائیمقامی شنگال هۆشداری دەدات لە مەترسییەکانی دروستکردنی ناوچەی ئارامی سوریا

20:08 سێ شه‌ممه‌ 13 ئاب 2019
article image

ناس کورد

قائیمقامی شنگال، هۆشداری دەدات لە مەترسییەکانی درووستکردنی ناوچەی ئارام لە سوریا، کە دەبێتەهۆی گەڕانەوەی داعش بۆ شنگال و موسڵ، بەوهۆیەشەوە داوای دروستکردنی ناوچەیەکی ئارام بۆ ئێزدییەکانی شنگال دەکات.

.

لە ڕاگەیەندراوێکدا مەحما خەلیل، قائیمقامی شنگال ڕایگەیاند، دروستكردنی ناوچه‌ی ئارام  له‌ باكووری سووریا، كاریگه‌ری نه‌رێنی له‌سه‌ر شنگال و ده‌شتی نه‌ینه‌وا دروست دەکات و ده‌بێته‌ هۆی گه‌ڕانه‌وه‌ی پاشماوەکانی داعش لەو ناوچانەوە بۆ ناوچه‌ سنوورییه‌كان، به‌ تایبه‌ت بۆ شنگال و دەشتی نەینەوا”.

.

قائیمقامی شنگال ئاماژەی بەوەشكردووە، پێویستە ناوچه‌یه‌كی ئارام بۆ گه‌ڕانه‌وه‌ی ئێزدییه‌كان بۆ شنگال دروست بكرێت، کە ئه‌مەریكا و حكومه‌تی عێراق و حكومه‌تی هه‌رێم سه‌رپه‌رشتی بكه‌ن.

.

هاوکات میدیاکانی تورکیا ئەمڕۆ بڵاویانکردەوە،  لە چوارچێوەی کارەکانی دروستکردنی ناوچەی ئارام لە باکووری سووریا، پێکھێنانی ژێرخانی ناوەندی ئۆپەراسیۆنی ھاوبەش لەگەڵ شاندێکی ئەمریکا دەستی بە کارکردووە.

.

مەحما خەلیل قایمقامی شەنگال لە ڕاگەیەندراوەکەیدا باسی لەوەشکردووە: ” بوونی په‌كه‌كه‌ له‌ سه‌ر چیای شنگال هۆکاری نەگەڕانەوەی ئێزدییەکانە بۆ ناوچەکانیان، چونکە پەکەکە رێز له‌ یاساكانی عێراق ناگرێت و پێشێلكاری ئه‌نجام ده‌دات”.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل