fbpx
Shadow Shadow

دادگا فەرمانى دەستگیرکردنى بۆ پەرلەمانتارێکى عێراق دەرکرد

12:12 دوو شه‌ممه‌ 18 تشرینی دووه‌م 2019
article image

ناس کورد-

 

دادگاى لێکۆڵینەوەى کەرخ تایبەت بە دۆسیەکانى نەزاهە، فەرمانى دەستگیرکردن و ڕێگریکردن لە چونە دەرەوەى عێراق و دەستبەسەرداگرتنى موڵک و ماڵى پەرلەمانتارێکى دەرکرد.

.

ئەنجومەنى باڵاى دادوەرى عێراق ئەمڕۆ دووشەممە 18ى تشرینى دووەمى 2019 لە بەیاننامەیەکدا ڕایگەیاند “دادگاى لێکۆڵینەوەى کەرخ فەرمانى دەستگیرکردنى بۆ تەلال زوبەیعى ئەندامى پەرلەمان دەرکردووە”.

.

ئاماژەى بەوەشکردووە، بەپێی بڕیارەکە، ڕێگرى لە زوبەیعى دەکرێت بچێتە دەرەوەى عێراق و دەستبەسەر موڵک و ماڵەکەشیدا دەگیرێت.

.

بڕیارەکەى دادگا بەپێی ماددەى 308ى یاساى سزادانى عێراقى دەرکراوە.

.

پێشتر ئەنجومەنى باڵاى دادوەرى داواى لە دادگاکان کرد فەرمانى دەستگیرکردن بۆ هەر پەرلەمانتارێک دەربکەن کە لەسەر دۆسیە جیاجیاکان داواکراون، بەبێ گەڕانەوە بۆ پەرلەمانى عێراق.

.

داواکەى ئەنجومەنەکە لە دادگاکان دواى ئەوەهات کە پەرلەمان مافى پارێزبەندى لەسەر سەرجەم ئەندامەکانى هەڵگرت، وەک رێگەخۆشکردنێک بۆ دادگا تا ئەو پەرلەمانتارانە دەستگیربکات کە تۆمەتیان ڕوبەڕوو کراونەتەوە.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل