fbpx
Shadow Shadow

فەرماندەیەکی حەشد بۆ ناس کورد: پارتی دەیەوێت دەشتی نەینەوا بلکێنێت بە هەرێمی کوردستانەوە

23:20 سێ شه‌ممه‌ 06 ئاب 2019
article image

ناس کورد-

بەرپرسی لیوای 30ی حەشدی شەعبی سەرسوڕمانی خۆی دەربڕی لە تۆمەتبارکردنی لیواکەى لە ڕاگەیەنراوێکى پارتی دیموکراتی کوردستان بەوەى خۆپیشاندان و مانگرتنەکانی ئەوان بووەتەهۆی گیانلەدەستدانی ژنێکی نەخۆش کاتێک بەڕێگاوەبووە بەرەو هەولێر.

سەعد قدۆ، بەرپرسی لیوای 30ی حەشدی شەعبی بە ناس کوردی ڕاگەیاند، “پارتی سەرکردایەتى هەڵمەتێکى ڕێکخراو دەکات تاوەکو هێزە ئیتیحادییەکانى عێراق لە دەشتى نەینەوا دوربخاتەوە و دەشتی نەینەوا بلکێنێت بە هەرێمی کوردستانەوە.”

دوابەدواى بڕیارێکى عادل عەبدولمەهدى، سەرۆک وەزیرانى عێراق بە پاشەکشەکردنى لیواى 30ى حەشدی شەعبی لە هەندێک ناوچەى شارى موسڵ و ملنەدانى لیواکە بۆ ئەو بڕیارەى سەرۆک وەزیرانى عێراق، گرژى و ئاڵۆزى لەنێوان حەشدى شەعبى و سوپاى عێراق لەو شارە دروست بوو، لیواکە خۆپیشاندانیان گرت و ڕێگای سەرەکی نێوان موسڵ و هەولێریان داخست.

.

قدۆ وتیشی، “زۆربەى هێزەکانى لیوای 30 لە دەرەوەى دەشتى نەینەوان و لەژێر فەرمانی هێزە چەکدارەکانى عێراقدان.”

قدۆ سەرسوڕمانی خۆی لە “هەڵمەتی ڕێخراوی بۆ بە شەیتانیکردنی حەشدی شەعبی و دەرکردنی لە ناوچەکە” دەربڕی و ڕایگەیاند، “ئەوان ئامادەکاری دەکەن بۆ هاتنی هێزی پێشمەرگە بۆ ناوچەکە یان هەر هێزێکى تر نزیک لە خۆیان.”

ئاماژەى بەوەشکرد، “بەداخەوە هەندێ بەرپرسانى پارتی هەوڵ دەدەن هێزەکانى ئیتیحادی لە دەشتى نەینەوا دەربکەن و پێشمەرگەی بۆ بهێنن، وەک ئامادەکارییەک بۆ لکاندنی بە هەرێمی کوردستانەوە.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل