fbpx
Shadow Shadow

فڕۆکەی بێفڕۆکەوان بۆردوومانی چەند بنکەیەکی حەشدی لە سنووری سووریا کردووە

09:53 دوو شه‌ممه‌ 09 ئه‌یلول 2019
article image

ناس کورد

میدیاکانی ئیسرائیل بڵاویانکردەوە، فڕۆکەیەکی بێفڕۆکەوان، بۆردوومانی بنکەیەکی “میلیشیا چەکدارییەکانی” لە ناوچەی ئەلبوکەمال لە سەر سنووری سووریا و عێراق کردووە.

.

ڕۆژنامەی هائارتزی ئیسرائیل بڵاویکردەوەتەوە، بۆردوومانەکە بەرەبەیانی ئەمڕۆ 9ی ئەیلوولی 2019، لە لایەن فڕۆکەیەکی بێفڕۆکەوانەوە ئەنجامدراوە و ژمارەیەک کوژراو برینداری خستووەتەوە.

.

هاوکات تۆڕی چاودێری مافەکانی مرۆڤی سووریا بڵاویکردووەتەوە، ژمارەیەک بنکەی سەر بە هێزەکانی حەشدی شەعبی لە لایەن فڕۆکەی بێفڕۆکەوانە کراونەتە ئامانج و بەهۆیەوە ژمارەیەک چەکدار کوژراون و بریندار بوون.

.

بەپێی زانیارییەکان، بنکەکانی “حركة الإبدال” و”حيدريون” و”حزب الله” کراونەتە ئامانجی بۆردوومانەکە، بەڵام تا ئێستا زانیاری لەسەر ژمارەی کوژراوبریندارەکان بڵاونەکراوەتەوە.

.

هەرلەو چوارچێوەدا شەوی ڕابردوو فڕۆکەیەکی بێفڕۆکەوانی ئیسرائیل لە لایەن چەکدارانی حیزبوڵلای لوبنانەوە خراوەتە خوارەوە و کەوتووەتە دەست ئەو چەکدارانە.

.

لە بەیاننامەیەکدا حیزبووڵلای لوبنان ڕایگەیاندووە فڕۆکە ئیسرائیلەیەکە لە سەر ئاسمانی شاری رامیە لە باشووری لوبنان خراوەتە خوارەوە.

.

لە ناوچەی ئەلبوکەمال ژمارەیەک هێزی چەکداری سەر بە گرووپە جیاوازەکان جێگیرکراون کە بە وتەی بەرپرسانی ئیسرائیل لە لایەن ئێرانەوە بەڕێوەدەبرێن.

.

لەوبارەوە کەناڵی فۆکس نیوزی ئەمریکی بڵاویکردووەتەوە, لە ناوچەی ئەلبوکەمالی سووریا کە هاسنوورە لەگەڵ عێراق، هێزەکانی حیزبوڵڵای لوبنان، حیزبوڵڵای عێراق و یەکەکانی نەجبا، فاتمیون و زەنەبییون جێگر کراون کە سەرجەمیان لە لایەن “سوپای پاسدارانی ئێرانەوە” بەڕێوەدەبرێن.

 

فڕۆکەی بێفڕۆکەوان بۆردوومانی چەند بنکەیەکی حەشدی لە سنووری سووریا کردووە

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل