fbpx
Shadow Shadow

فڕۆکەکانى تورکیا لە یەککاتدا سنوری چوار قەزای هەرێم بۆردومان دەکەن

14:47 چوار شه‌ممه‌ 20 تشرینی دووه‌م 2019
article image

ناس کورد- سابر عەبدوڵا

 

فرۆکە جەنگییەکانی تورکیا ئەمڕۆ بەچڕى بۆردومانی سنوری  قەزاکانی پشدەر و سۆران و ڕەواندز و  چۆمانیان کرد، بەهۆیەوە زیاتر لە 100 دۆنم دارستان و پوش و پاوان و  رەز و باخ سوتاون.

.

پەیامنێرى ناس کورد ڕایگەیاند، لە نزیک کاتژمێر (11:00)  بەیانی ئەمڕۆ  چوارشەممەوە  فڕۆجەنگیەکانی تورکیا بە نزمی بەسەر ئاسمانی هەرێمى کوردستاندا دەسوڕێنەوە، لە قەزای پشدەر بۆردومانی گوندی ناودەشتان کردووە، لە قەزای سۆران و ڕەواندزیش  بۆردومانی سنوری ناحیەی سیمێلانیان کردووە.

.

وتیشى هەروەها فڕۆکەکانى تورکیا لە دەڤەری برادۆست و قەزای چۆمانیش گەلی بەدران و هەردوو چیای چیای کارۆخ و چیای هەلەموتیان کردووەتە ئامانج. هاوکات گەروەزین و چیای هەڵگورد و لە دیوی ناحیەی سیدەکانی  بۆردومانکراون.

.

هەر ئەمڕۆ  چیاکانی سنوری ناحیەی حاجی ئۆمەران و سمێلان بوونەتە ئامانجى هێرشی فڕۆکە جەنگییەکانی تورکیا، لە 30 ساڵی رابردوودا ئەوە دووەمجارە ئەو ناوچەیە بۆردومان دەکرێت.

.

بەگوێرەی ئەو زانیاریانەی ناس کورد لە چەند سەرچاوەیەکەوە لە شوێنی ئەو بۆردومانانە دەستیکەوتوون، بۆردومانەکان هیج زیانی گیانییان نەبووە، بەڵام بە هۆیانەوە زیاتر لە 100 دۆنم دارستان و پوش و پاوان و  رەز و باخ سوتاون و زیانی زۆر بە ژینگەی ئەو سنورانە گەیشتووە.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل