fbpx
Shadow Shadow

فراكسیۆنه‌كانی یه‌كگرتوو، كۆمه‌ڵ، نه‌وه‌ی نوێ هۆڵی په‌رله‌مانیان جێهێشت

13:10 پێنج شه‌ممه‌ 16 كانونی دووه‌م 2020
article image

ناس كورد-

هه‌ریه‌ك له‌ فراكسیۆنه‌كانی (نه‌وه‌ی نوێ، یه‌كگرتووی ئیسلامی، كۆمه‌ڵی ئیسلامی) له‌ دانیشتنی په‌سه‌ندكردنی پڕۆژه‌ یاسای چاكسازی هۆڵی په‌رله‌مانیان جێهێشت.

.

 

 

ئەمڕۆ (پێنجشەممە، 16ی کانونی دووەمی 2020) پەرلەمانی کوردستان کۆبوونەوەی بۆ پەسەندکردنی پڕۆژە یاسای چاکسازی دەستیپێکرد و هەر 23 ماددەی پڕۆژەکە بەدەنگی زۆرینەی پەرلەمانتارانی پارتی و یەکێتی و گۆڕان و شیوعی و كۆتاكان  پەسەندکران، بەڵام هەریەکە لە فراکسیۆنەکانی نەوەی نوێ و کۆمەڵ و یەکگرتو بایکۆتی دانیشتەکەیان کرد و دەنگیان بە پڕۆژەکە نەدا.

.

عه‌بدولستار مه‌جید، سه‌رۆكی‌ فراكسیۆنی‌ كۆمه‌ڵ له‌ په‌رله‌مانی‌ كوردستان له‌ كۆنگره‌یه‌كی رۆژنامه‌نوسیدا پاش كۆتاییهاتنی دانیشتنه‌كه‌ ڕایگه‌یاند: “فراكسیۆنی‌ كۆمه‌ڵ هه‌وڵی زۆریداو به‌رگری له‌ مافی خه‌ڵك كرد و به‌ڵام له‌ بابه‌تی پاشه‌كه‌وتی موچه‌ی فه‌رمانبه‌ران و خانه‌نیشینی پله‌ باڵاكان پێشنیاری ئێمه‌ قبوڵ نه‌كرا كه‌ نزیك بوو له‌ دادپه‌روه‌ری و داوامانكردبوو كه‌ پاشه‌كه‌وتی موچه‌ی فه‌رمانبه‌ران به‌ گره‌نتییه‌وه‌ بۆ فه‌رمانبه‌ران بگه‌ڕێته‌وه‌”.

.

عه‌بدولستار مه‌جید، ئاماژەی بەوەکرد: “فراكسیۆنی‌ كۆمه‌ڵ  داوامانكردبوو كه‌ كه‌مترین موچه‌ی‌ خانه‌نشینی‌ 400 هه‌زار دینار بێت، هه‌روه‌ها سه‌باره‌ت به‌ پاشه‌كه‌وتی‌ موچه‌، داوامانكردبوو كه‌ به‌ گره‌نتی‌ حكومه‌تی‌ هه‌رێمی‌ كوردستان پاشه‌كه‌وتنی‌ موچه‌ له‌ڕێگای‌ هه‌ژمارێكی بانكییه‌وه‌ بگه‌ڕێنێته‌وه‌ بۆ فه‌رمانبه‌ران و هه‌روه‌ها پێویستە فەرمانبەران بتوانن بۆ هەندێ مامەڵەی تایبەت بەکاری بهێنن و مانگانەش بەشێکی بەشێوەی کاش ڕابکێشن ! به‌ڵام ئه‌م داوایه‌ی ئێمه‌ش قبوڵ نه‌كرا”.

.

هاوكات سۆران عومەر ئەندامی فراکسیۆنی کۆمەڵ وتی: “ئێمە لەگەڵ حکومەتی هەرێم، کە وەکو لیژنەی دارایی کۆبوینەتەوە بەهیچ شێوەیەک ڕێککەوتنمان لەگەڵ نەکردون و نەشیانوتوە ناتوانین پارە دابین بکەین بۆ بابەتی کەمترین موچە، تەنانەت ئاوات شێخ جەناب، وەزیری دارایی پێیوتین: “حکومەت لە توانایدا هەیە کە کەمترین موچەی فەرمانبەران 300 هەزار بێت و بۆ ئەوەش حکومەت پێویستی بە 10 بۆ 14 ملیارە، بەڵام ئەمڕۆ ئەو پێشنیازەی ئێمە پەسەند نەکرا”.

.

هاوکات کازم فاروق، سەرۆکی فراکسیۆنی نەوەی نوێ لە کۆنگرەیەکی ڕۆژنامەوانیدا ڕایگەیاند: “ئەوەی ئەمڕۆ لە پەرلەمان ڕویدا بریتی بو لە بچڕینی پارە بۆ گیرفانی بەرپرسان و پلە باڵاکان لەسەر حسابی خەڵکی هەژار بەبەڵگەی ئەوەی کە پلە باڵاکان و پەرلەمانتاران بە نزیکەی 4 ملیۆن دینار خانەنشین دەبین بەڵام ڕازی نەبون فەرمانبەرێکی ئاسایی بە 500 هەزار خانەنشین بێت”.

.

کازم فاروق وتیشی: “داوامان کرد پلە باڵا بەهیچ شێوەیەک خانەنشین نەبێت بەڵام داوکەمان گوێی لێنەگیرا و بە پێچەوانەی داواکەی ئێمەیان کرد، هەروەها پاشەکەوتی موچەی فەرمانبەرانیش زامن نەکرا، بۆیە ئێمە بایکۆتی دانیشتنەکەمان کرد و دەنگمان پێنەدا”.

.

لەلایەکی دیکەوە ئەبوبەكر هەڵەدنی ئەندامی پەرلەمانی كوردستان لەفراكسیۆنی یەكگرتو له‌ كۆنگره‌یه‌كی رۆژنامه‌وانیدا رایگەیاند  “بایكۆتی دانیشتنی پەرلەمانی كوردستانمان كرد و دەنگ بەم یاسایە نادەین ، چونکە پێشێلکاری زەق هەبو دەستەی سەرۆکایەتی پەرله‌مان بێلایەن نەبو”.

.

ئەبو بەکر هەڵدنی ئاماژەی بەوەکرد: “چەندین پێشنیازمان هەبوە بۆ پڕۆژەکان بەڵام گوێمان  لێنەگیراوە و بە ڕێککەوتنی نێوان چەند فراکسیۆن پڕۆژەکەیان تێپەڕاند”.

.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل