fbpx
Shadow Shadow

سیاسه‌تی

غالب محەمەد حکومەت بە هۆکاری گرانبوونی غازی شل تۆمەتبار دەکات

21:26 شه‌ممه‌ 01 شوبات 2020
article image

ناس کورد-

 

ماوەی چەند ڕۆژێکە نرخی غاز لە هەرێم بەرزبووەتەوە و پەرلەمانتارێکیش دەڵێت، حکومەت خۆی بۆ قازانجی کۆمپانیاکانی خۆیان ئەو کارە دەکات و غازەکە لە بازاڕی ڕەشدا دەفرۆشنەوە، ئاماژە بەوەشدەکات، ڕۆژانە هەرێم پێویستی بە 700 تۆن غاز هەیە، لەکاتێکدا هەزار و 400 تۆن بەرهەمدەهێنرێت.

،

 

غالب محەمەد، ئەندامی لیژنەی نەوت و وزە لە پەرلەمانی عێراق لە هەژماری خۆی لە تۆڕی کۆمەڵایەتی فەیسبوک ڕایگەیاند: ” هۆکاری گرانبونوی غازی ماڵان دەستی دەسەڵاتە و دروست كراوە بۆ دەوڵەمەندكردنی بەرپرسان، چونکە لە
هەرێمی كوردستان ڕۆژانە زیاتر لە 1000 تۆن غازی شل لە كێڵگەی كۆرمۆر بەرهەم دەهێنرێت، هەروەها لە چەندین شوێنی دیکە غازی شلی دەست دەكەوێت وەك پاڵاوگەی كەڵەك و بازیان و لە كەركوكیشەوە رێژەیەكی دیکەی بۆ دێت كە دەتوانین بڵێین زیاترە لە  هەزار و 400 تۆن و گواستنەوە و فرۆشتنی دراوە بە كۆمپانیاكانی نزیك لە حزب”.

،

ئاماژەی بەوەشكردووە: “هەر چوار پارێزێگاكەی هەرێم پێویستیان بە كەمتر لە 700 تۆن غازی شل هەیە، بەلام جیاوازی هەیە لە نێوان وەرزی زستان و هاوین، چونكە لە زستان پێویستی زیاتر دەبێت لە سەر غازی شل”.

،

 

ئەو پەرلەمانتارە ئەوەشی خستووەتەڕوو، ئەوەی دەبێت كۆمپانیاكە بیدات بە نرخی حكومی (13) تانکەر بۆ سلێمانی و هەڵەبجە، (13) تانكەر بۆ هەولێر، (6) تانكەریش بۆ دهۆكە لەڕۆژێکدا، هەر تەنكەرێك زیاتر لە (20) تۆن غازی تێدایە، دەبێت ئەو كۆمپانیایە تۆنێک بە (430) هەزار دینار بدات بە كارگەكان، بەڵام كۆمپانیاكە لەو رێژە كەمتر دەدات بە كارگەكانی غاز بۆ ئەوەی ئەزمەی غاز دروست بێت.

،

“دوای ئەوە هەر ئەو كۆمپانیا لە بازاری رەش دەیدات بە (550) هەزار دینار، بەمەش کۆمپانیاکە خۆی و ئەوەی لە پشت ئەم کارەوەن دەولەمەند دەبێت لە سەرحسابی هاووڵاتیان، چونکە لەوكاتەی كە پێویستی زیاتر دەبێت بەغاز كۆمپانیاكانی حزب رێژەی كەمتر غاز دەدەن بە كارگەكان هەموو كاتێکیش قەیرانەکە دەكەوێتە وەرزی زستان چونکە خواست لەسەر غاز زۆرە، بەنرخێکی گران پێیان دەفرۆشن، بەمەیش هاوڵاتیان زەرەمەند دەبن و كۆمپانیاكانی حزبیش دەولەمەند تر دەبن”، غالب محەمەد وادەڵێت.

،

 

ئەو پەرلەمانتارە ئاماژەی بەوەشکردووە: “ئیتر حكومەتەكەی دزە گەورە و جێگرەكەی چاوپۆشی دەكات، چونكە كۆمپانیاكانی خۆیان دەولەمەند دەبن، حیزبەکانی بەشداریش لە حکومەت جگە لەپارتی و یەکێتی بەحزبە بەناو ئۆپۆزسیۆنەکانیش دەستیانگرتووە بەکڵاوەکەیانەوە کە با نەیبات، بەڵام ڕۆژێک دێت خەڵک لەم بێئومێدیە ڕزگاری بێت و خۆیان کڵاوەکانیشیان لەپێش دەسەڵاتەوە بکەوێتەبەر گەردەلولی توڕەیی خەڵک”.

،

ئەمە لەکاتێکدایە، ماوەی چەند ڕۆژێکە نرخی غاز لە هەرێمی کوردستان بەرزبووەتەوە و ئەوەش کاردانەوەی لێکەوتووەتەوە، هەر ئەمڕۆش عەلی حەمەساڵح، سەرۆکی فراکسیۆنی گۆڕان ڕایگەیاند، لە سبەینێوە دۆخی غاز ئاسایی دەبێتەوە و کێشەی کەمی غاز چارەسەر دەبێت.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل