fbpx
Shadow Shadow

عەلی حەمەساڵح: هەوڵ بۆ سەرخستنی پڕۆژەکەی کاک شاسوار دەدەم

21:14 شه‌ممه‌ 09 تشرینی دووه‌م 2019
article image

ناس کورد-

عەلی حەمە ساڵح، سەرۆکی فراکسیۆنی گۆڕان لەپەرلەمانى کوردستان، پشتگیری خۆی بۆ پڕۆژەکەی شاسوار عەبدولواحید، سەرۆکى جوڵانەوەى نەوەى نوێ بۆ کۆکردنەوەی خاشاکی ماڵان و پێدانی پێنج هەزار پێیان دەربڕی و ڕایگەیاند، بەهەموو شێوەیەک هەوڵ بۆ سەرخستنی دەدات.

.

 

عەلی حەمەساڵح، سەرۆکی فراکسیۆنی گۆڕان لە پەرلەمانی کوردستان لە هەژمارى خۆى لە فەیسبوک ئاماژەى بەوە کرد “ئەو پڕۆژەیەی کاک شاسوار گرنگه‌ و به‌دواداچونم کرد بۆ جێیه‌جێکردنی، به‌ڵام هیچ داواکاریه‌ک پێشکه‌ش به‌ده‌سته‌ی وه‌به‌رهێنان نه‌کراوه‌ لەو بارەیەوە، بۆیە هیوادارم له‌ زووترین کاتدا کاک شاسوار داواکاری تایبه‌ت به‌م پڕۆژه‌ پێشکه‌ش بکات”.

.

عەلی حەمەساڵح ئاماژەی بەوەشکردووە :”له‌ ئه‌گه‌ری پێشکه‌شکردنی داواکاری و ئاماده‌یی بۆ جێیه‌جێکردنی مه‌رجه‌کان، من خۆم به‌ دواداچون بۆ سه‌رخستنی پرۆژه‌که‌ ده‌که‌م”.

.

سەرۆکی فراکسیۆنی گۆڕان جەختیکردەوە، قسەی له‌گه‌ڵ لایه‌نی په‌یوه‌ندیدار کردووه‌ بۆ سه‌رخستنی ئه‌و پڕۆژه‌، له‌سه‌ر وه‌به‌رهێنه‌ریش پێویسته‌ ئامێر و ئامرازی پێویست بۆ کۆکردنه‌وه ‌و ڕیسایکیلین دابین بکات و له‌ئه‌گه‌ری جێبه‌جێنه‌کردنی سزای یاسایی ده‌که‌وێته‌ سه‌ر.

.

هاوکات عەلی حەمەساڵح پێشنیازیکردووە، هه‌ر وه‌به‌رهێنه‌رێک کە مۆڵه‌تی هه‌ر پڕۆژه‌یه‌کی پێدەدرێت، پێویسته‌ پێداچوونه‌وه‌ به‌ پڕۆژه‌کانیدا بکرێته‌وه‌، بۆ ئەوەی ئه‌گه‌ر کاری نایاسایی کردبوو، پێویسته‌ چاکی بکاته‌وه‌.

.

لە هەفتەی ڕابردوودا، بەڕێوەبەرایەتی شارەوانی سلێمانی بڕیاردا، وەرگرتنی پارەی فڕێدانی خۆڵ و خاشاک لە هاوڵاتیان بخاتە بواری جێبەجێکردنەوە و بەگوێرەی بڕیارەکەی شارەوانیش، هەر ماڵێک مانگانە بڕی پێنج هەزار دیناری لێوەردەگیرێت، ئەوەش ناڕەزایی زۆری لەنێو هاوڵاتیاندا لێکەوتەوە.

.

لەبەرامبەردا شاسوار عەبدولواحید، سەرۆکى جوڵانەوەى نەوەى نوێ ڕایگەیاند، ئەگەر ڕێگەیان بدەن کۆمپانیایەک دەهێننە هەرێم و خاشاکی هه‌موو ماڵه‌کانی کوردستان کۆده‌که‌نه‌وه‌و هه‌ر ماڵێکیش مانگانە پێنج هەزار دیناری پێدەدەن و دواتر ڕیساکلینی ده‌کەن.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل