Shadow Shadow

 عەبدوڵا ئۆجەلان: هاوکاری کردنی هەرێم بۆ تورکیا لە دژی پەکەکە گورز لە یەکێتی گەلی کورد دەدات

14:30 هه‌ینی 16 ئاب 2019
article image

ناس کورد-

ڕێبەری پارتی کرێکارانی کوردستان رایدەگەیەنێت، ئەوان هەمیشە ئامادەن بۆ ئاشتی، دەشڵێت، شەڕی تورکیا لەگەڵ پەکەکە و لە باکور و ڕۆژهەڵاتی سوریاش هیچ چارەسەر ناکات.

,

ڕۆژی دووشەممە 12ی ئابی 2019، محەمەد ئۆجەلان برای عەبدوڵا ئۆجەلان ڕێبەری پەکەکە بەبۆنەی جەژنی قوربانەوە لە زیندانی دوورگەی ئیمرالی، چاوی بە براکەی کەوت، لەبارەى چاوپێکەوتنەکەشەوە، ئاشکراى کردووە، عەبدوڵا ئۆجەلان لەسەر باکور و ڕۆژهەڵاتی سوریا رایگەیاندووە: “ئەم کێشەیە بە شەڕ چارەسەری ناکرێت، ئەم کێشەیە هەم زیان دەگەینێت بە تورکیا و هەم زیان لەو گەلانە دەدات کە لەو ناوچانە دەژین، پێویستە ئاشتی پێشبخرێت، ئەگەر تورکیا بچێتە ناو سوریاوە نابێتە چارەسەر، ڕاستی ئەوەیە کە شەڕ بۆ گەلان شتێکی باش نییە”.

,

ئۆجەلان ئاماژەی بەوەشکردووە: “من 20 ساڵ لە سوریا ژیاوم، گەلەکەی باش دەناسم، عەشیرەتە عەرەبەکان باش دەناسم، پەیوەندیم لەگەڵیاندا هەبووە، کێشەکان پێویستە بە دیموکراسی چارەسەر بکرێن، کێشەکان هیچکات بە شەڕ چارەسەر ناکرێت”.

,

ڕێبەری پەکەکە باسی لە کێشەی تورکیا و کورد کردووە، جەختی لەوەکردووەتەوە: “بۆ چارەسەری کێشەی کورد ئێمە ڕۆڵ و ئەرکی خۆمان ئەنجام دەدەین و ‘ئۆپراسیۆنی چنگ’ کە تورکیا دژی پەکەکە دەستی پێکردووە، واتای شەڕە، ئەم کێشەیە بە ڕشتنی خوێنی مرۆڤەکان چارەسەر نابێت، ئێمە هەمیشە بۆ ئاشتی ئامادەین، ئێمە هەمیشە دژی شەڕین، پێویستە لە جێی شەڕ ئاشتی بێت”.

,

ئۆجەلان لەسەر یەکێتی گەلی کورد وتویەتى: “تورکیا بەبێ هاوکاری هەرێمی کوردستان سەرکەوتوو نابێت، بەبێ هەرێمی کوردستان جوڵەی زەحمەت دەبێت، هاوکاریکردنی هەرێم بۆ تورکیا لە دژی پەکەکە گورز لە یەکێتی گەلی کورد دەوەشێنێت، پێویستە هەر کەسێک کە کار بۆ یەکێتی گەلی کورد  دەکات لەناو کار و خەبات بێت”.

,

عەبدوڵا ئۆجەلان، لەو دیدارەدا لە ڕێگەی محەمەد ئۆجەلانەوە پەیامێکی بۆ هەدەپەش ناردووە و باسی لەوە کردووە: “هەدەپە 60 پەرلەمانتاری هەیە، لەم هەڵبژاردنەدا شارەوانییەکانیشیان وەرگرتەوە، جارێکی دیکەش وتوومە، ئەگەر من لە دەرەوە بومایە، کۆڵانەکانم پاک دەکردەوە، پێویستە پەرلەمانتارەکان 24 کاتژمێر لەناو خەڵک بن، حیزب ڕێکخراوی گەورەی هەرە دیموکراتیییە، پێویستە خزمەتی خەڵک بکات، گەل ئیرادەی خۆی داوەتە دەستی ئەوانەوە، ئەوانیش پێویستە خزمەتکاری ئەم گەلە بن”.

,

,

 

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل