fbpx
Shadow Shadow

"پێویستە هەرێمیش پابەندی یاسای بودجە بێت"

عەبدولمەهدی: هەنگاوەکان بۆ دوورخستنەوەی مووچەی خەڵکی هەرێم لەکێشەکان بەردەوام دەبن

17:49 سێ شه‌ممه‌ 09 ته‌موز 2019
article image

ناس کورد

پەرلەمانتارێکی فراکسیۆنی گۆڕان ڕایگەیاند: گفتوگۆیەکی تەلەفۆنی لەگەڵ عادل عەبدولمەهدی، سەرۆک وەزیرانی عێراق ئەنجامداوە و تێیدا “سەرۆک وەزیران جەختی لەسەر هەنگاوەکانی، بۆ بەدوورخستنی مووچەی خەڵکی هەرێم لەکێشەکان کردووەتەوە.”

.

کاوە محەمەد، ئەندامی فراکسیۆنی گۆڕان لە پەرلەمانی عێراق بە ناس کوردی راگەیاند: ئەمڕۆ سێشەممە 9ی تەمموزی 2019، عادل عەبدولمەهدی سەرۆک وەزیرانی عێراق پەیوەندییەکی تەلەفونی لەگەڵ ئەنجامداوە.

.

لە پەیوەندییە تەلەفونیەکەدا عادل عەبدولمەهدی ڕایگەیاندووە، بەردەوام دەبێت لەسەر ئەو هەڵوێستانەی بەرانبەر پرسی مووچەی فەرمانبەرانی هەرێم هەیبووە.

.

لەگەڵ ئەوەشدا جەختی لەوەکردووەتەوە پێویستە حکومەتی هەرێم پابەند بێت بە یاسای بودجەوە و ئەرکەکانی سەرشانی جێبەجێ بکات.

.

کاوە محەمەد بە ناس کوردی ڕاگەیاند، هەرچەندە تا ئیستا بودجەی ساڵی داهاتوو نەهاتووەتە پەرلەمان، بەڵام ئەگەر حکومەتی هەرێم گفتوگۆکانی لەگەڵ بەغدا دەستپێنەکات و ئەو پرسە یەکلانەکاتەوە، لە بودجەی ساڵی داهاتوودا ناردنی مووچەی فەرمانبەران بەمەرجی ڕادەستکردنی نەوتەوە دەبەسترێتەوە.

.

کاوە محەمەد ئەوەشی ڕاگەیاند، ناوەڕۆکی پەیوەندییەکە پەیوەندی بە بەیاننامەیەکی فراکسیۆنەکەیانەوە هەبووە کە دوێنێ دووشەممە 8ی تەمموز لەسەر پرسی مووچەی فەرمانبەران و ڕادەستکردنی نەوتی هەرێم بە بەغدا بڵاویانکردووەتەوە.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل