fbpx
Shadow Shadow

عەبدولمەهدى هەڕەشەى توند لەهێرشبەرانى سەر باڵیۆزخانەى ئەمریکا دەکات “بەپەلە شوێنەکە جێبهێڵن”

14:32 سێ شه‌ممه‌ 31 کانونی یەکەم 2019
article image

ناس کورد-

 

عادل عەبدولمەهدى سەرۆک وەزیرانى کاربەڕێکەرى عێراق هەڕەشەى گرتنەبەرى ڕێوشوێنى توند دەکات بەرانبەر ئەو کەسانەى هێرشیان کردووەتە سەر باڵیۆزخانەى ئەمریکا لە بەغدا و داوایان لێدەکات بەپەلە شوێنەکە جێبهێڵن.

.

عادل عەبدولمەهدى لە بەیاننامەیەکدا ڕایگەیاند، هێرشەکەى ئەمریکا بۆ سەر یەکە سەربازییەکان لە ڕۆژى  29/12/2019 ئیدانەکراوە لەلایەن حکومەت لەسەرجەم ئاستەکان و چەندین ڕێوشوێنیان لەو بارەیەوە گرتووەتە بەر.

.

ئاماژەى بەوەشکردووە “مەراسیمى بەخاکسپاردنى شەهیدەکان بەشێکە لە نیشاندانى وەفا بەرانبەریان، بەڵام دوور لە بەریەککەوتن لەگەڵ باڵیۆزخانەکان، کە پاراستنیان لەژێر دەسەڵاتى ئێمەدایە”.

.

عەبدولمەهدى داوایکردووە، ئەوانەى لەبەردەم باڵیۆزخانەى ئەمریکان لە بەغدا بەپەلە شوێنەکە جێبهێڵن و دوربکەونەوە لە شوێنەکە، چونکە هەر هێرشێک بۆ سەر باڵیۆزخانەکان و نوێنەرایەتى وڵاتانى بیانى، بەتوندى ڕوبەڕووى دەبنەوە و بەتوندترین سزا ئەنجامدەرانى سزا دەدرێن.

.

ئەمڕۆ (سێشەممە) ژمارەیەک هاووڵاتی و لایه‌نگری حه‌شدی شه‌عبی لەبەردەم باڵیۆزخانەى ئەمریکا لە ناوەڕاستى بەغدا گردبوونەوە و مانگرتنى کراوەیان ڕاگەیاند تا باڵیۆزخانەکە دادەخرێت، ئەوەش وەکو ناڕەزاییەک بەرانبەر هێرشەکەى ئەمریکا بۆ سەر کەتائیبى حزبوڵا لە قائیم.

.

به‌گوێره‌ی ئه‌و وێنه‌ و گرته‌ ڤیدیۆییانه‌ی كه‌ ده‌ست ناس كورد كه‌وتوون به‌شێكی زۆر له‌ سه‌ركرده‌ و فه‌رمانده‌كانی حه‌شدی شه‌عبی له‌وانه‌ (مه‌هدی موهه‌ندیس، هادی عامری، قه‌یس خه‌زعه‌لی و فالح فه‌یاز) له‌نێو خۆپیشاندانه‌كاندان.

.

خۆپیشاندان و گردبوونه‌وه‌کە گرژی و ئاڵۆزی تێكه‌وتووە و خۆپیشانده‌ران به‌شێك له‌ دیواری باڵیۆزخانه‌كه‌یان سوتاند و كه‌وتنه‌ به‌ردبارانكردنی.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل