fbpx
Shadow Shadow

"داوای ڕاگرتنی شەڕی یەمەن دەکات"

عێراق نیگه‌رانه‌ و ڕه‌تیده‌كاته‌وه‌ له‌ خاكه‌كه‌ییه‌وه‌ هێرشكرابێته‌ سه‌ر سعودیه‌

12:19 یه‌ك شه‌ممه‌ 15 ئه‌یلول 2019
article image

ناس کورد-

حکومەتى عێراق ڕاگەیەنراوێکی لەبارەى ئەو بانگەشانەوە بڵاوکردەوە کە دەوترێت لە خاکی عێراقەوە هێرشکراوەتە سەر سعودیە و ڕایگەیاند، نیگەرانە لە پێشهاتەکان و داوای دەستپێشخەری عەرەبی دەکات بۆ وەستاندنی شەری یەمەن.

لە ڕاگەیەنراوەکەى نوسینگەی عادل عەبدولمەهدی، سەرۆکى وەزیرانی عێراقدا هاتووە، “عێراق راپۆرتی ئەو دەزگا و میدیایانە ڕەتدەکاتەوە کە باس لە بەکارهێنانیی خاکی عێراق دەکەن بۆ هێرشکردنە سەر کێڵگە نەوتییەکانى سعودیە بە فڕۆکەى بێفرۆکەوان و جەختدەکەینەوە لە پابەندبوونی دەستوری بە ڕێگریکردن لە بەکارهێنانی خاکی خۆمان بۆ دەستدرێژیکردنە سەر دراوسێ و هاوڕێی و براکانمان.”

.

ئاماژەى بەوەشکردووە، “حکومەتى عێراق بە ڕژدییەوە کاردەکات لەدژی ئەو کەسانەى هەوڵی پێشێلکردنی دەستور دەدەن و لیژنەیەکیشمان بۆ بەدواداچوونی ئەو زانیاری و پێشهاتانە دروستکردووە.”

هاوکات عێراق داوای لە “سەرجەم لایەنەکان دەکات هێرشەکانیان بۆسەر یەکتر ڕابگرن کە بووەتەهۆی زیانگەیاندن بە خەڵک و کێڵگە نەوتییەکان، داواش لە هەمووان دەکەین بەدەم چارەسەری سیاسییەوە بچن و پارێزگاری لە گیانى هاوڵاتیان بکەن و ئاسایشی وڵاتانى دراوسێ بپارێزن.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل