fbpx
Shadow Shadow

عێراق؛ پەلاماردانی باڵوێزخانەكان لە بڤەی سیاسییەوە بۆ دیاردە

21:36 سێ شه‌ممه‌ 31 کانونی یەکەم 2019
article image

ناس کورد-

ئەگەرچی بەپێی ڕێککەوتنی پەیوەندییە دیبلۆماسییەکان، ئەركی پاراستن و پارێزگاری تەواوەتی لە باڵیۆزخانە و كونسوڵخانەی وڵاتان و كارمەندەكانیان لە عێراق لە ئەستۆی حكومەتی عێراقیدایە، بەڵام تەنها لە ساڵی 2019 دا باڵیۆزخانەکان لە عێراق ڕوبەڕوی زۆرترین پەلاماردان بونەتەوە.

.

مانگی حوزەیرانی 2019 و لە27ی ئەو مانگەدا، بەهۆی دادگایی عیسا قاسم، مەرجەعی باڵای ئاینی لەلایەن دەوڵەتی بەحرەین و بڕیاری سەندنەوەی مافی هاوڵاتیبوون لێی، لە شاری بەغدا و بەهۆی بانگەوازێكی موقتەدا سەدر، رێبەری ڕەوتی سەدر بە سەدان لایەنگری ڕەوتەکە و حەشدی شەعبی لە بەردەم باڵێۆزخانەی بەحرەین لە بەغدا گردبوونەوە و نارەزایەتییان دەربڕی و هەڵیانكوتایە سەر باڵیۆزخانەکە و ئاڕی بەحرەینیان داگرت و لەجێگەیدا ئاڵای فەڵەستینیان هەڵكرد.

عێراق؛ پەلاماردانی باڵوێزخانەكان لە بڤەی سیاسییەوە بۆ دیاردە

.

لەدوای سەرهەڵدانی خۆپیشاندانەكانى ئەیلولی ڕابردوو لە شارەكانى عێراق، کونسوڵگەری ئێران ڕوبەڕوی زۆرترین پەلاماردان بوویەوە.

.

ڕۆژی 3ى تشرينى دووەمى 2019، لە پارێزگای کەربەلا کونسوڵگەری ئێرانی لە شارەکە ڕوبەڕوی پەلاماری خۆپیشاندەران بوویەوە و سێ کوژراو و 12 برینداری لێکەوتەوە.

.

لە 27ی هەمان مانگدا و لە پارێزگای نەجەف، خۆپیشاندەران وەك ناڕەزایەتییەك لە دژی دەستێوەردانەكانی ئێران و پەلاماری میلیشیا چەكدارییەكانی نزیك لەو وڵاتە، پەلاماری کونسوڵخانەى ئێرانیان دا و سوتاندیان، دواتر و بۆ جارى دووەم و سێیەم لە 1 و 3ى كانونى یەکەمی 2019دا، کونسوڵخانەى ئيێران لە نەجەف ڕوبەڕوی پەلاماردان و سوتان بويەوە و لەو ڕوبەروبوونەوانەشدا 32 خۆپیشاندەر برینداربوون.

عێراق؛ پەلاماردانی باڵوێزخانەكان لە بڤەی سیاسییەوە بۆ دیاردە

.

هاوکات لە کۆتا جاردا و  لە 31ی كانونی یەكەمی 2019 لە دژی هێرشەكانی ئەمریكا بۆ سەر بارەگاكانی حەشدی شەعبی كە بەهۆیەوە 25 چەكداری حەشد كوژران و 50ی دیكەش بریندار بوون، بە هەزاران لە چەكداران و لایەنگرانی حەشدی شەعبی لە بەردەم باڵیۆزخانەى ئەمریکا لە بەغدا گردبوونەوە بە دروشمی “بڕۆ دەرەوە داگیركەر” خۆپیشاندانیان دەستپێكرد و دەرگای یەکەم و دووەمی باڵیۆزخانەکەیان سوتاند.

.

لەنێو گردبونەوەكەی بەردەم باڵیۆزخانەی ئەمریكا هەریەك لە فالح فەیاز، سەرۆكی حەشدی شەعبی و ڕاوێژكاری ئاسایشی نیشتمانی عێراق و ئەبو مەهدی موهەندیس و هادی عامری و قەیس خز عەلی و ژمارەیەك لە پەرلەمانتارانی عێراقی بەشداریان كرد و ئاڵای حەشدی شەعبی و حزبوڵاشیان بەرزكردەوە و  دەروازەی باڵیۆزخانەكە لەلایەن ئەندامان و لایەنگرانی حەشدی شەعبییەوە سوتێنرا.

عێراق؛ پەلاماردانی باڵوێزخانەكان لە بڤەی سیاسییەوە بۆ دیاردە

.

ئەگەرچی شەوی پێش روداوەكە، وەزارەتی دەرەوەی ئەمریكا بە فڕۆكەیەكی تایبەت ماتیۆ تۆلەر، باڵیۆزی ئەمریكا و سەرجەم كارمەندە سەرەكیەكانی بۆ شاری هەولێر گواستۆتەوە،  سەرەڕای ئەوەی بەشێک لە خۆپیشاندەران بەهۆی بەكارهێنانی گازی فرمێسكڕێژ لەلایەن هێزە ئەمنییە عێراقیەكان برینداربوون، بەڵام حەشدی شەعبی دەڵێت بەهۆی تەقەی پاسەوانانی باڵوێزخانەكەوە 23 خۆپیشاندەران بریندرابوون.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل