fbpx
Shadow Shadow

عادل عەبدولمەهدى بڕیاریدا سەربازگە و کۆگاکانى چەک بۆ دەرەوەى شارەکان بگوازرێتەوە

17:35 پێنج شه‌ممه‌ 15 ئاب 2019
article image

ناس کورد-

سەرۆک وەزیرانى عێراق، لە کاردانەوەى تەقینەوەى کۆگایەکى چەک و تەقەمەنى هێزەکانى حەشدى شەعبى لە شارى بەغدا، بڕیاریدا سەرجەمى سەربازگە و کۆگاکانى چەکى سوپاى عێراق و حەشدى شەعبى بگوازرێنەوە بۆ دەرەوەى شارەکان.

.

لە راگەیەندراوێکى فەرماندەیی ئۆپەراسیۆنە هاوبەشەکانی عێراق  ئاماژە بەوە کراوە، عادل عەبدولمەهدى، سەرۆک وەزیرانى عێراق بڕیاریدا لەماوەى یەک هەفتەدا لێکۆڵینەوەکان لەبارەى تەقینەوەى کۆگایەکى چەک و تەقەمەنى حەشدى شەعبى لەشارى بەغدا تەواو بکرێت و سەربازگە و کۆگاکان بگوازرێنەوە دەرەوەى شارەکان.

.

لە راگەیەندراوەکەدا ئاماژە بە هەڵوەشاندنەوەى سەرجەم مۆڵەتە تایبەتییەکانی فڕۆکەوانیش لە ئاسمانی عێراقدا کراوە و بە گوێرەى بڕیارەکە سەرجەم رەزامەندییە تایبەتەکانی فڕۆکەوانی لە ئاسمانی عێراق بۆ هەموو لایەنە عێراقی و ناعێراقییەکان هەڵوەشێنراوەتەوە و دەسەڵاتەکانى پەیوەست کراوون بە خودى سەرۆک وەزیران خۆیەوە.

.

لە راگەیەندراوەکەدا جەخت لەسەر ئەوە کراوەتەوە، سەرۆک وەزیران بە پێویستى زانیوە تاوەکو هەفتەیەکی دیکە لیژنەى لێکۆڵینەوە لە تەقینەوەى کۆگاکەى حەشدى شەعبى راپۆرتی کۆتایی لەبارەی تەقینەوەکە پێشکەش بکەن.

.

لەدووەم رۆژى جەژنى قورباندا تەقینەوەیەک لە یەکێک لە کۆگاکانى سەربازگەی سەقەرى هێزەکانى حەشدى شەعبى لە بەغدا روویدا و تێیدا کەسێک کوژرا و 29 کەسی دیکەش برینداربوون.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل