fbpx
Shadow Shadow

شەڕى سەخت بەردەوامە

شەڕڤانان سەرجەم گوندەکانى نێوان سەرێکانى و تلتەمریان کۆنتڕۆڵکردەوە

09:13 چوار شه‌ممه‌ 16 تشرینی یه‌كه‌م 2019
article image

ناس کورد –

 

شەڕى سەختى نێوان شەڕڤانان و سوپاى تورکیا و گروپە چەکدارە هاوپەیمانەکانى بەردەوامە، شەڕڤانان سەرجەم گوندەکانى نێوان سەرێکانى و تلتەمریان کۆنتڕۆڵکردەوە.

.

بەپێی میدیاکانى ڕۆژئاواى کوردستان، سوپا تورکیا و گروپە چەکدارە هاوپەیمانەکانى هەوڵی گەیشتن دەدەن بە کەمپی عەین عیسا بەڵام لەلایەن سوپای سوریاوە بە چەکی قورس وەڵامیان دراوەتەوە.

.

ئاماژە بەوەشدراوە، هەروەها پێکدادان لەنێوان شەڕڤانان و سوپای تورکیا و چەکدارەکانی بەردەوامە بەتایبەت لە هەردوو شاری گرێ سپی و سەرێکانى و ژمارەیەکی زۆر لە چەکداران  و سەربازانی تورکیا کوژراون.

.

میدیاکانى ڕۆژئاواى کوردستان ئەوەشیان خستووەتەڕوو، ئێوارەى دوێنێ شەڕڤانان لەهێرشێکدا توانیوانە سەرجەم گوندەکانى نێوان سەرێکانى تلتەمر کە پێکهاتوون لە گوندەکانى، مەناجیر، لەیلان، عمرى کۆنتڕۆڵبکەنەوە، کە پێشتر سوپاى تورکیا دەستىبەسەرداگرتبوون.

.

باسیان لەوەشکردووە، دوابەدای هەڵهاتنی 750 چەکدارەکەی داعش لە زیندانی عەین عیسا و بڵاوبونەوەیان بە ناوچەکەدا، ئێستا سوپای تورکیا و چەکدارەکانی هەوڵی “ڕزگارکردنی” ئەو چەکدارانەی داعش دەدەن، بۆیە هەوڵی بڕینی ڕێگای نێودەوڵەتی ستراتیژی ڕۆژئاوای کوردستان دەدەن بەتایبەت رێگای نێوان ناحیەی جەلبیە و گوندەکانی ڕۆژئاوای عەین عیسا، بەڵام شەڕڤانان بەتوندی وەڵامی ئەو هێرشانەیان داوەتەوە و ڕێگای نێودەوڵەتییان پاراستوە.

.

بەپێی ئامارەکانی هەسەدە، تەنها لەدوو ڕۆژی ڕابردوودا زیاتر لە 116 چەکدار و سەربازی سەر بە تورکیا کوژراون، 23  شەڕڤانیش شەهیدبوون و 39 شەڕڤانی دیکەش برینداربوون.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل