fbpx
Shadow Shadow

سیاسه‌تی

شەش شەڕڤان بەهۆى هێرشى تورکیاوە شەهیدبوون

17:51 هه‌ینی 07 شوبات 2020
article image

ناس کورد-

 

بەهۆى هێرشى سوپاى تورکیاوە بۆ سەر ناوچەى تەلتەمر لە پارێزگاى حەسەکە، شەش شەڕڤانان شەهیدبوون.

.

ئاژانسى هاوار نیوزى ڕۆژئاواى کوردستان بڵاویکردەوە، ئەمڕۆ (هەینى) سوپاى تورکیا و گروپە چەکدارە هاوپەیمانەکانى هێرشیان کردووەتە سەر تەلتەمر و شەڕ و پێکدادان لەگەڵ شەڕڤانان ڕوویداوە.

.

ئاماژەی بەوەشکردووە، بەهۆى پێکدادانەکانەوە شەش شەڕڤانى ئەنجومەنى سەربازى تەلتەمر شەهیدبوون.

.

بەپێی ئاژانسەکە، لەگەڵ هێرشەکەدا سوپاى تورکیا و گروپە چەکدارە هاوپەیمانەکانى، کارەبایان لە سنورى تەلتەمر بڕیوە.

.

ئەوەش خراوەتەڕوو، تۆڕەکانى کارەباى ناوچەکە کە تورکیا بڕیویەتى، لە نزیک ئەو ناوچەیەوەیە کە هێزەکانى ڕوسیاى لێجێگیرە و تۆڕەکە بە خاڵى پشکنینى سوپاى سوریاشدا تێدەپەڕێت، بەڵام هێزەکانى ڕوسیا و تورکیا وەڵامى هێرشەکەى تورکیایان نەداوەتەوە.

.

ماوەى چەندین مانگە تورکیا و گروپە چەکدارە هاوپەیمانەکانى دەیانەوێت دەستبەسەر ناحیەى تەلتەمردا بگرن، بەڵام شەڕڤانان بەرەنگار هێرشەکان بوونەتەوە.

.

تەلتەمر بە “سوریاى بچوک” ناودەبرێت بەو پێیەى چەندین پێکهاتەى جیایاى وەک کورد و عەرەب و ئاشور و سریان و ئەرمەنى تێدا دەژى. بە ناوچەیەکى ستراتیژى دادەنرێت کە 30 کیلۆمەتر لە حەسەکەوە دوورە و 180 گوند لە خۆدەگرێت و دەکەوێتە سەر رێگەى نێودەوڵەتى M4.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل