fbpx
Shadow Shadow

شاندێکی پەرلەمانی کوردستان دەچێتە کۆریای باشور

20:49 چوار شه‌ممه‌ 25 ئه‌یلول 2019
article image

ناس کورد-

بڕیارە ھەفتەی داھاتوو شاندێکی پەرلەمانی کوردستان، لەسەر داواکاری پەرلەمانی کۆریای باشور سەردانی ئەو وڵاتە بکەن.

,

جەمال حەوێز، سەرۆکی فراکسیۆنی یەکێتی لە پەرلەمانی کوردستان بە ناس کوردی ڕاگەیاند: “ڕۆژی دووشەممەی داهاتو، 30ی ئەیلولی 2019 شاندێکی پەرلەمانی کوردستان کە لە بەندە، سەرۆکی فراکسیۆنی یەکێتی و ئومێد خۆشناو، سەرۆکی فراکسیۆنی پارتی و هێمن هەورامی، جێگری سەرۆکی پەرلەمان پێکهاتون، دەچینە کۆریای باشور و لەگەڵ سەرۆکی پەرلەمانی ئەو وڵاتە و فراکسیۆنەکانی پەرلەمانی ئەوان کۆدەبینەوە”.

,

حەوێز ئاماژەی بەوەشکرد: “بانگهێشتی سەردانەکە لەسەر داواکاری کۆریای باشور بوە، هەندێک بابەتی تایبەت بە پەیوەندییەکانی نێوان هەرێمی کوردستان و کۆریای باشور تاووتوێدەکەین”.

,

سەرۆکی فراکسیۆنی یەکێتی باسی لەوەشکرد، پێشتر و دوای ڕوخانی ڕژیمی بەعس چەندین ڕێکخراو و نوێنەرانی حکومەتی کۆریای باشور لە هەرێمی کوردستان بوون، چەندین پڕۆژەشیان ئەنجامداوە و لەم سەردانەشدا ئەوان لەژێر ڕۆشنایی ئەو پڕۆژانەی ڕابردوو دەیانەوێت هەندێک پڕۆژەی دیکە پێکەوە ئەنجام بدەن.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل