fbpx
Shadow Shadow

سەرۆکی پەرلەمانی عێراق: نابێت عێراق بکرێتە گۆڕەپانی جەنگ

16:44 هه‌ینی 03 كانونی دووه‌م 2020
article image

ناس کورد-

سەرۆکی پەرلەمانی عێراق لەسەر کوژرانی ئەبومەهدی موهەندیس و قاسم سولەیمانی، ڕاگەیەندراوێکی بڵاوکردەوە و تیایدا جگە لە “سەرەخۆشیکردن” بەهیچ شێوەیەک باس لە قاسم سولەیمانی ناکات و داواش دەکات، عێراق نەکرێتە گۆڕەپانی جەنگ و شەڕی هەرێمی و نێودەوڵەتی تێدا بکرێت

،

لە ڕاگەیەندراوێکدا، محەمەد حەلبوسی، سەرۆکی پەرلەمانی عێراق ڕایگەیاند: “بە داخ و پەژارەیەكی زۆرەوە هەواڵی شەهیدبوونی حاجی ئەبومەهدی موهەندیس، جێگری سەرۆكی دەستەی حەشدی شەعبی و یاریدەدەرانیمان پێگەیشت، كە رۆڵی گەورەی هەبوو لە جەنگەكانی ڕزگاركردنی خاكی عێراق لە تیرۆریستانی داعش بەو پەڕی ئازایەتییەوە”.

،

ئاماژەی بەوەشکرد، ئەوەی لە دەوروبەری فرۆكەخانە ڕویدا لە بەئامانجگرتنی فەرماندەیەكی سەربازی كە سەر بە دامەزراوەی سەربازی عێراقە، پێشێلكاری سەروەرییی بەڵێننامەی نێودەوڵەوتییە، لەكاتێكدا هەر پرۆسەیەكی ئەمنی و سەربازی لەسەر خاكی عێراق پێویستە بە ڕەزامەندی حكومەتی عێراق بێت.

،

سەرۆکی پەرلەمانی عێراق، داواشی لە حكومەتی عێراق کرد، لەو بارودۆخە هەستیارەدا رێوشوێنی سیاسی و یاسایی و ئەمنی پێویست بگرێتەبەر بۆ ڕاگرتنی ئەو دەستدرێژیانە.

،
هاوکات محەمەد حەلبوسی، هۆشداریداوە لە كاردانەوەكانی ئەو ڕووداوە و ئاماژەی بەوەکردووە: “ئەو ڕووداوە دەبێتە هۆی مەترسی بۆ سەر ئاسایشی عێراق و ناوچەكە داواش لە هەموو لایەك دەكەین دان بەخۆیاندا بگرن و بە دانایی و یەكڕیزی بەرەنگاری هەرەشەكان ببنەوە و عێراق بەدووربێت لەبوونی بە گۆڕەپانی جەنگ، یان لایەنێك لە كێشە هەرێمی و نێودەوڵەتیەكان و بەدووربوونی لەهەر كێشەیەكی چەكداری و پاراستنی سەقامگیری وڵات، چونکە جەنگ هیلاكی كردووە”.

،
لە کۆتایی ڕاگەیەندراوەکەیدا، سەرۆکی پەرلەمانی عێراق نوسیویەتی: “سەرەخۆشی لەگەلی عێراق و دەستەی حەشدی شەعبی دەكەین، هەروەها سەرخۆشی لە كۆماری ئیسلامی ئێران دەكەین لەبەرامبەر شەهیدبوونی حاجی قاسم سلیمانی لە خۆی گەورە داواكارین بە بەهەشتی بەرین شادیان بكات”.

،

به‌ره‌به‌یانی ئه‌مڕۆ (هه‌ینی) له‌ بۆردومانێكی ئه‌مریكادا بۆ سه‌ر كاروانی ئۆتۆمبێله‌كانی فه‌رمانده‌ی فه‌یله‌قی قودسی ئێران، هه‌ریه‌ك له‌ قاسم سوله‌یمانی و ئه‌بو مه‌هدی موهه‌ندیس كوژران و له‌گه‌ڵ بڵاوبوونه‌وه‌ی هه‌واڵی كوژرانیان كاردانه‌وه‌ی جیاوازی لێكه‌وته‌وه‌.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل