Shadow Shadow

سەرکردەیەکی حەشدی شەعبی: شەڕ لەنێوان ئەمریکا و ئێران ڕوبدات ئەمریکییەکانی عیراق بە بارمتە دەگرین

08:47 پێنج شه‌ممه‌ 29 ئاب 2019
article image

ناس کورد-

سەرکردەی گروپێکی سەر بە حەشدی شەعبی ڕایدەگەیەنێت، ئەمریکا کارێکی ژیرانە ناکات ئەگەر لەگەڵ ئێراندا بکەوێتە شەڕەوە.

,

ئه‌بو ئەلاء وه‌لانی، سكرتێری گشتی گروپی چەکداری سه‌یدولشوهه‌دای سەر بە حەشدی شەعبی، له‌ چاوپێكه‌وتنێكی ته‌له‌فیزیۆنی له‌گه‌ڵ كه‌ناڵی “دیجلە”ی عیراقی ڕایگه‌یاندووە:  “ده‌نگۆی ئه‌وه‌ هه‌یه‌، ئه‌مه‌ریكا له‌ بۆردوومانكردنی بنكه‌كانی حه‌شدی شه‌عبی تێوه‌گلابێت‌ و ڕێگا‌ی به‌ فڕۆكه‌ ئیسرائیلییه‌كان دابێت‌ كاروانه‌كانی حه‌شد بۆردوومان بكەن، ئەگەر ئەوە پشتڕاست ببێتەوە ئەمریکا زەرەری گەورە دەکات”.

,

ئەو سەرکردەیەى حەشدى شەعبى ئاماژەى بەوەشکردووە: “ئێمە توانای بۆردوومانی ئاسمانیان هەیە و ئاسانترین کار کە بتوانین ئەنجامى بدەین بۆردوومانکردنی هێزه‌كانی ئه‌مه‌ریكا و باڵیۆزخانەی ئەمریکایە لە ناوخۆی عێراقدا، لەڕێگای فڕۆکەی بێفڕۆکەوانەوە، ئەگەر پێوست بکات ئەنجام دەدەین”.

,

لەبارەى ئەگەرى دروستبوونى شەڕ لەنێوان ئەمریکا و ئێران، ئه‌بو ئەلاء وه‌لانی دەڵێت، ئەوان دژی ئەوەن کە شەڕ لەنێوان ئەمریکا و ئێران ڕوبدات، بەڵام نەیشاردووەتەوە، ئه‌گه‌ر هه‌ر ڕوبه‌ڕوبوونه‌وه‌یه‌ك لەنێوان ئه‌مه‌ریكا و ئێران ڕوبدات ئەوا ئەوان بەهۆی بیروباوەڕی خۆیانەوە پشتگیری لە ئێران دەکەن و هه‌موو ئه‌مه‌ریكییه‌كانی عێراق وه‌ك “بارمته”‌ دەستبەسەر دەکەن.

,

ئەو سەرکردەیەی حەشدی شەعبی باسی لەوەشکرد، ئەو هەڵوێستەى ئەوان تەنها هەڵوێستی کەتائیبی سەیدولشوهەدا نییە، بەڵکو هەڵوێستی سەرجەم گروپە بەرگریکارەکانی حەشدی شەعبییە.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل