fbpx
Shadow Shadow

سەرباری دژایەتی کورد.. پەرلەمانی عێراق دەنگی لەسەر یاسای هەڵبژاردنەکان دا

17:58 سێ شه‌ممه‌ 24 کانونی یەکەم 2019
article image

ناس کورد-

سەرباری دژایەتی کورد بۆ دوو مادەی یاساکە، پەرلەمانی عێراق دەنگی دا بە تەواوی بڕگە و مادەکانى یاسای هەڵبژاردنەکان.

 

،

دانیشتنی پەرلەمانی عێراق بۆ دەنگدان بە پڕۆژەیاسای هەڵبژاردنەکانی پەرلەمانی عێراق کۆتایی هات و بە دەنگی زۆرینە پڕۆژەیاساکە پەسەندکرا.

،

 

پەسەندکردنی پرۆژەکەیاساکە لەکاتێکدایە، بەهۆی تێبینی کورد لەسەر مادەی 15 و 16ی یاساکە، پێش دەنگدان لەسەر ئەو دوو مادەیە، لە دانیشتنەکە چوونەدەرەوە و هۆڵی دانیشتنەکەیان جێهێشت.

 

،

هاوکات لە دوای پەسەندکردنی پڕۆژەیاساکەش، فراکسیۆنە کوردستانییەکان لە ڕاگەیەندراوێكدا ڕایانگەیاند: “ئەو فراکسیۆنانەی دەنگیان دا بە پەسەندکردنی ئەو یاسایە دەیانەوێت بە زۆر یاسایەکی هەڵبژاردن بەسەر کورد و عێراق و عراقییەکان بسەپێنن و هەمان سیستەمی داپڵۆسێنەری پێشوو و داگیرکاری بسەپێنن و ئیرادەی کورد پشتگوی بخەن  و بنەماکانی دیموکراسی بشێوێنن”.

 

،

دەقی ڕاگەیەندراوەکەی فراکسیۆنە کوردستانییەکان لە چەند خاڵێكدا:

،

 

خاڵی یەکەم: پەسەنکردنی ئەو بڕگانەی یاساکە تەجاوزی ئەو دەقە ئەسڵیەیە کە لەیاساکەدا هەبو کە پێشتر لەژێر دیراسەیەکی وردا ڕەتکرابوەوە و ڕای شارەزایانی لەسەر وەرگیرابو لەسەر وەگیرابو، بەڕای ئێمە ئەم یاسایە بۆ بچوکردنەوەی بازنەکانی هەڵبژاردن بۆ ئاستی قەزاکان بریتییە لە هەوڵێکی ڕاستەوخۆی پێشوەخت بۆ شێواندنی هەڵبژاردن وە دروستکرندی کۆمەڵێک کێشەی هونەری لەدەیان پارێزگا و قەزای عێراقدا بۆ ئەوەی هەڵبژاردنی پێشوەختە ئەنجام نەدرێت”.

،

 

خاڵی دووەم: “سوربون لەسەر ئەوەی دەنگەکان بە ئەلیکترۆنی هەژمار بکرێت وە پشتببەسترێت بە کارتی ئەلیکترۆنیبنەک کارتی بایۆمەتەری، ئەوەش بەڵگەی ئیرادەیەکی ڕونە لەسەر شێواندنی هەڵبژاردنە پێشوەختەکان و یاریکردنە بە دەنگی دەنگدەران، ئێمە یاسایەکی هەڵبژاردنمان دەویت کە پارێگاری لە ویستی هاوڵاتیان بکات”.

 

،

خاڵی سێهەم: بە بنەما کردنی دەنگی زۆرینەی بۆ هەر بازنەیەک بریتیە لە سوتاندنی زۆرینەی دەنگی دەنگدەران و ئەوەش بۆ ئەوەیە کە حزبە گەورەکان دەست بەسەر ئەنجومەنی نوێنەران بگرن و قۆرخی بکەن و ڕۆڵی حزبە بچوک و پێکهاتەکانی دیکە نەهێڵن و دەست بەسەر دەنگی دەنگدەران بگرن و عێراق بگێڕنەوە بۆسەردەمی ئینتیمای هۆزایەتی و ڕێگریکردن لەخەڵکانی لێهاتو و بەتوانا، هەروەها ڕێگریکردنە لە فرە ڕەنگی و فرە دەنگی کە ئەو فرەییە پێویستە بۆ پەرلەمانی عێراق”.

،

 

خاڵی چوارەم: نادیدەگرتنی ئیرادەی کورد و شەقامی خۆپیشاندەرانی چاکسازیخواز و هەروەها دژی ڕای دەستبژێران و ڕۆشنبیران و ئەوەش دەبێتە هۆی دابڕان و دابەشبونی  زیاتر شەقامی عێراق  و سیستەمی سیاسیش دەشێوێنێت”.

،

 

خاڵی پێنجەم: پێویستە ئێمە و ئەوانەی کە سورن لەسەر دیموکراسی و چاکسازی پێکەوە داوابکەین ئەو هەڵانەی کە کراون ڕاستبکرێنەوە پێش ئەوەی یاساکە بەکۆی گشتی بکرێتە دەنگدانەوە”.

 

،

پێشتر حەسەن ئاڵی، ئەندامی فراکسیۆنی یەکێتی لە پەرلەمانی عێراق بە ناس کوردی وت، مادەی 15 و 16ی یاساکە لە زیانی کوردە و بەگشتی کورد تێبینی لەسەری هەیە، چونکە بەگوێرەی ئەو دوو مادەیە، بازنەی هەڵبژاردن لە قەزاکانەوە دەبێت، بەڵام کورد داوا دەکات بازنەی هەڵبژاردن فراوانتر بێت و لە پارێزگاکان بێت، چونکە ئەگەر بەوشێوەیە نەبێت دەنگێکی زۆری کورد لە هەڵبژاردنەکاندا لەناودەچێت.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل