fbpx
Shadow Shadow

عێراق ڕەتیدەکاتەوە

سەدان کەرەستە و کەلوپەلى سەربازى ئەمریکى “ڕەوانەى عێراق کران”

14:20 دوو شه‌ممه‌ 09 کانونی یەکەم 2019
article image

ناس کورد-

میدیاکانى ڕوسیا بڵاویانکردەوە، سەدان کەرەستە و کەلوپەلى سەربازى ئەمریکى “ڕەوانەى عێراق کراون”، دەستەى دەروازە سنورییەکانى عێراقیش ڕەتیدەکاتەوە.

.

بەپێی میدیاکانى ڕوسیا، ئەمڕۆ  500 کەرەستەى سەربازى ئەمریکى ڕەوانەى بنکەیەکى سەربازى سەر بەهێزەکانى ئەمریکا لە عەین ئەسەدى شارۆچکەى هیتى سەر بەپارێزگاى ئەنبار کراون.

.

ئاماژە بەوەشکراوە، سەرجەم ئەو کەرەستە و کەلوپەلە سەربازییانە لە ئوردنەوە بەرەو ئەو بنکە سەربازییە گوێزراونەتەوە.

.

دواى بڵاوبوونەوەى هەواڵەکە، دەستەى دەروازە سنورییەکانى عێراق لە بەیاننامەیەکدا ڕەتیکردەوە هیچ هێزێکى ئەمریکى لەڕێگەى دەروازەکانى خۆرئاواى عێراقەوە هاتبێتنە ناو خاکى عێراقەوە.

.

ئەوەش لەکاتێکدایە، سەرلەبەیانى ئەمڕۆ بەرپرسانى عێراق ئەوەیان ڕاگەیاند، بەموشەکى کاتیۆشا هیرش کراوەتە سەر سەربازگەیەک لەنزیک فڕۆکەخانەى بەغداى نێودەوڵەتى لەشارى بەغداى پایتەخت و بەوهۆیەشەوە شەش سەرباز برینداربوون.

.

پێشتریش ژمارەیەک لەبەرپرسانى ئەمریکا باسیان لە سەرهەڵدانى مەترسی کردبوو بۆ سەر بنکە سەربازییەکانى ئەمریکا لەعێراق، ئەوەش بەهۆى توندبونەوەى ناکۆکییەکانى نێوان ئەمریکا و ئێران لەناوچەکەدا.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل