fbpx
Shadow Shadow

نوێنەرى سیستانی داوا لە خۆپیشاندەران دەکات خۆیان لەهێرشکردنە سەر هێزە ئەمنییەکان بەدووربگرن

14:29 هه‌ینی 06 کانونی یەکەم 2019
article image

ناس کورد-

نوێنەرى مەرجەعى باڵاى شیعەکانى عێراق، داوا لە خۆپیشاندەران دەکات داواکارییەکانیان بەشێوەیەکى ئاشتییانە بگەیەنن و خۆیان بەدووربگرن لە هێرشکردنە سەر هێزە ئەمنییەکان و شوێنە گشتییەکان.

.

لەمیانەى بەڕێوەچوونى نوێژى هەینى و پێشکەشکردنى پەیامى عەلى سیستانى، مەرجەعى باڵاى شیعەکانى عێراق، عەبدولمەهدى کەربەلائى نوێنەرى سیستانى رایگەیاند “هەندێک کەس لەنێو خۆپیشاندەرانەوە هێرشیان کردوەتە سەر هێزە ئەمنییەکان”.

.

كەربەلائی داواى ئەوەى کرد لە کاتى دیاریکراوى خۆیدا و بەبێ دەستوەردانی دەرەكی سەرۆكوەزیرانێکی نوێ بۆ حكومەت دیاری بكرێت و لایەنەکان لەسەرى ڕێکبکەوون.

.

جەختیشى لەسەر ئەوە کردەوە پێویستە سەرۆکوەزیرانى نوێ ڕەزامەندی گەلی لەسەر بێت و رەتیکردەوە ئەوان وەکو مەرجەعى باڵاى شیعەکان دەستوەردان لەو بابەتەدا بکەن.

.

بەپێویستیشیزانى چاكسازی گشتی راستەقینە بكرێت و بەرژەوەندی وڵات بخرێتە پێش بەرژەوەندی هەموو لایەكەوە.

.

لەبەشێکى ترى وتارەکەیدا، نوێنەری سیستانی ئیدانەی خوێنڕشتنی كرد و داوای لە خۆپیشاندەرانیش كرد خۆیان لە هێرشكردنە سەر هێزە ئەمنییەكان و شوێنە گشتییەكان و موڵکی حکومەت و خەڵکی بەدوور بگرن و موڵك و ماڵی هاووڵاتیان و حكومەت بپارێزن و كاری تێكدەرانە ئەنجام نەدەن.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل