Shadow Shadow

سوپای ئێران: بەتوندی وەڵامی هەر هەڕەشەیەک دەدەینەوە کە رووبەڕووی کۆماری ئیسلامی بێتەوە

13:21 دوو شه‌ممه‌ 03 حوزه‌یران 2019
article image

ناس کورد-
لە ساڵڕۆژی کۆچی دوایی ئیمام خومەینی رابەری شۆڕشی ئیسلامی ئێران سوپای ئەو وڵاتە راگەیەندراوێکی بڵاوکردەوە و هۆشداری ئەوە دەدات کە ئامادەیی ئەوەیان تێدایە رووبەڕووی هەر دوژمنکارییەک ببنەوە و ئامادەن بۆ داکۆکیکردن لە ئیران.

.

لەراگەیەندراوەکەی سوپای ئێراندا ئاماژە بەوە کراوە، سوپا بە توندی وەڵامی هەر جۆرە هەڕەشەیەک دەداتەوە کە رووبەڕووی کۆماری ئیسلامی ئێران دەبێتەوە لەلایەن گەورە زلهێزەکانی جیهان و هاوپەیمانەکانی لە ناوچەکە.

.

بەگوێرەی راگەیەندراوەکە، سەرەڕای ئەو فشارانەی کە لە سەر ئێرانە بەڵام توانای ئەوەی هەیە سەرجەمی ئەو ئابڵۆقە و سزا ستەمکارییانەی ئەمریکا تێپەڕێنێت.

.

جەختیش لەسەر ئەوە کراوەتەوە، شۆڕشی ئیسلامی هێشتا زیندووە و لە بەرەوپێشچوون نەکەوتووە.

.

ئاماژە بەوەش دەکات، بەرامبەر بە سزا ستەمکارییەکان دەستەوەستان نابین و ملکەچ ناکەین.

.

راگەیەندراوەکە لە کاتێکدایە کە گرژی و ئاڵۆزییەکانی نێوان ئەمریکا و ئێران پەرەی سەندووە و لەسەر ئاستی بەرپرسانیش لێدوانی توند بەرامبەر یەکتری دەدەن.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل